सरला बेटाचे महंत मठाधिपती रामगिरी महाराज यांनी नाशिक येथील एका कार्यक्रमांमध्ये केलेल्या वक्तव्यातून धार्मिक भावना दुखावल्या गेल्या आहेत. या वक्तव्याचा व्हिडिओ समाज माध्यमांवर व्हायरल झाल्यामुळे राहाता येथे तणाव निर्माण झाला होता. या प्रकरणी गुन्हा दाखल करण्यात आला आहे. या प्रकरणी कुठलाही अनुचित प्रकार घडू नये यासाठी पोलीस उपविभागीय अधिकारी शिरीष वमने चोख बंदोबस्त ठेवण्यात आला आहे
सरला बेटाचे महंत रामगिरी महाराज यांनी नाशिक येथील सिन्नरच्या पंचाळे गावामध्ये प्रवचनाच्या दरम्यान एका धर्माविषयी वक्तव्य केले होते. या वक्तव्याचे व्हिडिओ सध्या समाज माध्यमांवर चांगलेच व्हायरल होत आहेत. या व्हिडिओमुळे राहाता येथे मोठा तणाव निर्माण झाला राहाता शहरातील छत्रपती शिवाजी महाराज चौकात जमाव जमला होता. यावेळी जमावाने जोरदार घोषणाबाजी केली. . अचानक एवढा मोठा जमाव रस्त्यावर आल्यामुळे पोलिसांना सगळा बंदोबस्त लावावा लागला.घटनेचे गांभीर्य लक्षात घेत पोलीस उपविभागीय अधिकारी शिरीष वमने यांनी तातडीने या घटनेच्या संबंधित व्हिडिओ कोणीही व्हायरल करू नये, जे कोणी हे व्हिडिओ व्हायरल करून समाजामध्ये तेढ निर्माण करण्याचं काम करतील, त्यांच्यावर कारवाई करण्यात येईल, असा इशारा दिला. कुणीही पोस्ट व्हायरल करू नये किंवा सोशल मीडियावरील व्हायरल होत असलेल्या व्हिडिओवर विश्वास ठेवू नये, असं आवाहन पोलीस उपविभागीय अधिकारी शिरीष वमने यांन केलं आहे. ह्या प्रकरणी महंत रामगिरी आहाराजांवर धार्मिक भावना दुखावल्या प्रकरणी गुन्हा दाखल करण्यात आला आहे मात्र नागरिकांनी शांतता राखावी, अफवा पसरवणारे प्रक्षोभक मेसेज फॉरवर्ड करु नयेत, तसेच गैरसमज करणारे संदेशही पाठवू नयेत, असे आवाहन पोलीस उपविभागीय अधिकारी शिरीष वमने यांनी केले आहे.व शांततेच्या मार्गाने मोर्चा काढल्याने मुस्लिम समाजाचे आभार पोलीस उपविभागीय अधिकारी शिरीष वमने यांनी मानले ह्यावेळी मौलाना रफीक शाह,मौ.अल्ताफ शाह,मुश्ताक शाह, सलीम शाह, शफीक शाह, जमील शाह आसिफभाई चाऊस,इलियास शाह, आदी मुस्लिम बांधव उपस्थित होते
