शिर्डी (प्रतिनिधी)
शिर्डी येथे आता धुम स्टाईल दागिने पळविण्याच्या प्रकाराबरोबरच हातातील मोबाईल पळवून घेऊन जाण्याचे प्रकार वाढत आहे.
शिर्डी मध्ये नगर मनमाड रोडवर बस स्टँड जवळ असाच वाकडी येथील एका तरुणाचा हातातून मोबाईल धुम स्टाईल मोटरसायकलवर घेऊन भामट्यांनी पलायन केले आहे. यासंदर्भात शिर्डी पोलीस ठाण्यात फिर्याद दाखल झाली आहे.
यासंदर्भात पोलीस सूत्रांकडून मिळालेली अधिक माहिती अशी की, राहता तालुक्यातील वाकडी येथील प्रतीक धनेश्वर कोते (वय तेवीस )यांनी शिर्डी पोलीस ठाण्यात फिर्याद दिली आहे की, आपण तीन डिसेंबर 2023 रोजी सकाळी सात वाजता माझ्या आते भाऊ आकाश यास मुंबई येथे सोडवण्यास करिता गेलो होतो. त्याला मुंबईला सोडून मी चार डिसेंबर 2023 रोजी ट्रॅव्हल्स बस ने पहाटे साडेपाच वाजता च्या सुमारास शिर्डी येथे हॉटेल हॉलिडे पार्क समोर उतरून रोड क्रॉस करून नगर मनमाड रोडवर एका मोबाईल शॉपी समोर वडील मला घेण्याची वाट पाहत होतो .
मला घ्यायला येण्याकरता वडिलांना फोन करत असता राहत्या कडून शिर्डी कडे येणाऱ्या रोडवर माझ्या पाठीमागून एक शाईन कंपनीचे मोटरसायकल वर दाढी वाढलेला निळ्या रंगीत शर्ट घातलेला एक इसम माझ्या हातातला चालू फोन पाठीमागून ओढून शिर्डी गावाच्या दिशेने निघून गेला. चाळीस हजार रुपये किंमतीचा पांढऱ्या रंगाचा एप्पल कंपनीचा आयफोन धूम स्टाईल हातातून पळवून चोरी गेला आहे. अशा अशायाची फिर्याद शिर्डी पोलीस ठाण्यात दाखल झाल्यानंतर या फिर्यादीनुसार शिर्डी पोलीस ठाण्यामध्ये पुन्हा रजिस्ट्रेशन नंबर 10 72 भादवी कलम 392 प्रमाणे गुन्हा दाखल करण्यात आला आहे. अधिक तपास शिर्डी पोलीस करत आहेत.
