शिर्डी (प्रतिनिधी) सरत्या वर्षाला निरोपण नवीन वर्षाच्या स्वागतासाठी शिर्डीत साई भक्तांची मोठी गर्दी झाली आहे. या गर्दीच्या पार्श्वभूमीवर
शिर्डी पोलिस स्टेशनचे पोलिस निरीक्षक रामकृष्ण कुंभार साहेब यांनी रविवारी मंदिर परिसरात तसेच शिर्डीच्या मुख्य बाजारपेठेत आपल्या पोलिस कर्मचाऱ्यांना घेऊन भाविकांच्या सुरक्षेच्या संदर्भात फेरी मारली.दुकानदार,रिक्षावाले एजंट यांना साईभक्तांच्या सुरक्षेबाबत सूचना केल्या तसेच गर्दीचा फायदा घेऊन जर भाविकांची लूट केल्यास जबर कायदेशीर कारवाई करण्यात येणार असल्याचे स्पष्ट केले. रिक्षावाल्यांनी साई भक्तांकडून जास्त भाडेआकरू नये .रिक्षात मौल्यवान वस्तू राहिल्या तर त्या पोलीस स्टेशनला किंवा संस्थान सुरक्षा विभागात जमा कराव्यात. असे ते सांगत होते.
प्रथमच शिर्डीतील एक अधिकारी अश्या प्रकारे भाविकांच्या सुरक्षिततेसाठी रस्त्यावर उतरून प्रबोधन करत असेल तर आपण देखील अश्या अधिकाऱ्याच्या मागे उभे राहणे गरजेचं आहे..याच कारणास्तव पोलीस निरीक्षक रामकृष्ण कुंभार साहेबांचा सन्मान शिर्डी ग्रामस्थांच्या वतीने निलेश कोते,सचिन कोते,संजय कोतकर.आदींनी शाल पुष्पगुच्छ देऊन केला. या सन्मानामुळे त्यांना आणखी एक प्रकारची ऊर्जा मिळेल व शिर्डीतही चांगले वातावरण निर्माण होईल अशी अपेक्षा यावेळी ग्रामस्थांनी व्यक्त केली
