राहाता तालुक्यातील
सावळीविहीर बुद्रुक येथील आठवडे बाजारातून कोकमठाण येथील महिलेच्या गळ्यातील तीस हजार रुपये किंमतीचे सोन्याचे मिनी गंठण भामट्याने चोरले असल्याची फिर्याद शिर्डी पोलीस ठाण्यात दाखल झाली आहे.
यासंदर्भात पोलीस सूत्रांकडून मिळालेली अधिक माहिती अशी की, कोपरगाव तालुक्यातील कोकमठाण येथील वनिता राजाराम कांबळे यांनी शिर्डी पोलीस ठाण्यात फिर्याद दिली आहे की ,आपण सात डिसेंबर 2023 गुरुवार रोजी सायंकाळी पाच ते साडेपाच च्या सुमारास सावळीविहीर तालुका राहता येथील आठवडे बाजारात बाजार करण्याकरता आलो होतो. बाजारात खूप गर्दी होती. बाजार करत असताना अर्ध्या तासाने माझ्या गळ्यात घातलेल्या सोन्याच्या मिनी गंठण कडे माझे लक्ष गेले असता मला माझ्या गळ्यातील सोन्याचे गंठण दिसून आले नाही .इतरत्र शोध घेतला मात्र ते मिळून आले नाही.
माझे तीस हजार रुपये किंमतीचे सोन्याचे मिनी गंठण कोणीतरी अज्ञात चोरट्याने बाजारात गर्दीचा फायदा घेऊन माझ्या नकळत माझ्या संमतीशिवाय लबाडीचे इराद्याने स्वतःच्या फायद्या करता चोरून नेले .अश्या आशियाची फिर्याद त्यांनी दिली असून या फिर्यादीनुसार शिर्डी पोलीस ठाण्यात गुन्हा रजिस्ट्रेशन नंबर 10 81 नुसार भादवि कलम 379 प्रमाणे गुन्हा दाखल करण्यात आला आहे .अधिक तपास शिर्डी पोलीस करत आहेत.
