शिर्डी( प्रतिनिधी )
शिर्डी हे श्री साईबाबांमुळे आंतरराष्ट्रीय तीर्थक्षेत्र झाले असून येथे देश-विदेशातून दररोज हजारो साई भक्त साई दर्शनासाठी येत असतात .अशा शिर्डी शहरांमध्ये साई भक्तांना येथे आल्यानंतर तळीरामांकडून त्रास होतो. म्हणून शिर्डी शहरात देशी विदेशी दारू दुकाने बंद करावे व नवीन दुकानांना परवानगी देऊ नये अशी मागणी तत्कालीन संस्थांनचे अध्यक्ष पी.के सावंत यांनी 1985 साली तत्कालीन मुख्यमंत्री शिवाजीराव निलंगेकर यांच्याकडे एका पत्राद्वारे केली होती. त्याची दखल घेत सन 1987 साली जिल्हाधिकाऱ्यांच्या आदेशानुसार येथील दारू दुकानांचे परवाने रद्द करण्यात आले. तसेच आज पर्यंत गेल्या 36वर्षात कोणालाही नव्याने दारू विक्रीचा परवाना देण्यात आलेला नाही. असे असताना वर्षभरात येथे अनेक अवैध दारू विक्रेत्यांवर कारवाई करण्यात आलेली असल्यामुळे शिर्डीतील ही दारूबंदी केवळ कागदपत्रे असल्याचे त्यातून निष्पन्न होत आहे. अधिकृत दारू दुकाने नसले तरी अनधिकृतपणे दारू धंदे येथे मोठ्या तेजित सुरू आहेत. साई भक्तांना त्रास होतो म्हणून येथे सरकार दारू दुकानांना परवानगी देत नाही आपला शासकीय करही बुडला जात असतानाही शासनाने तो निर्णय घेतला. मात्र अनधिकृत पणे कोणताही कर न भरता येथे अवैध दारू धंदे जोरात सुरू आहेत. याला जबाबदार कोण? असा प्रश्न साईभक्त व नागरिकांकडून सध्या विचारला जात आहे. शासनाने याकडे विशेष लक्ष घालण्याची गरज असल्याचे बोलले जात आहे.
शिर्डी एक धार्मिक क्षेत्र आहे. येथे साईभक्त येतात. अनेक महत्त्वाच्या व्यक्ती येतात. येथे धार्मिक व चांगले वातावरण राहावे. साई भक्तांना त्रास होऊ नये .कायदा सुव्यवस्था बिघडू नये यासाठी श्री साईबाबा संस्थानचे तत्कालीन अध्यक्ष पी.के सावंत यांनी पत्र क्रमांक 7/80 26 1985 तत्कालीन मुख्यमंत्री शिवराजसिंह निलंगेकर यांना देऊन त्यांचे या प्रकरणी लक्ष वेधले होते. त्यानंतर त्यांनी जिल्हाधिकाऱ्यांना आदेश दिले व जिल्हाधिकारी यांनी पत्र क्रमांक 11 275/ 15/ 10 87 रोजी आदेश काढून या आदेशानुसार शिर्डी शहरातील दारू परवाने रद्द करून गेल्या 36 वर्षात कोणत्याही नव्याने दारू विक्री परभणी येथे दिले गेले नाहीत. अशी माहिती जितेश लोकचंदानी यांनी माहिती अधिकारात मागे काढली होती .शिर्डीत अधिकृत दारू विक्री परवानगी नसताना अवैध दारू विक्री मोठ्या प्रमाणात होत असल्याचे त्यातून निष्पन्न झाले होते. सध्याही येथे अवैध दारू धंदे मोठ्या प्रमाणात सुरू आहेत. अनेक गल्लीबोळात देशी विदेशी दारू विकली जाते. काही वेळेस छापे टाकून कारवाई करण्यात येते. कारण येथे अनेक अवैध दारू विक्रेत्यांवर कारवाई करण्यात आल्याची अधिकृत नोंद पोलीस स्टेशनला होती. याचाच अर्थ शिर्डी शहरात अवैध दारू विक्री जोरात सुरू असून त्याकडे दुर्लक्ष होत आहे. अनेकदा छापे टाकले जातात. कारवाई केली जाते .मात्र जैसी ती परिस्थिती काही दिवसांनी येथे होत असून दारू विक्री करणारे व दारू प्राशन करून शिवीगाळ करणारे हाणामारी करणाऱ्यांची संख्या वाढत आहे. त्यामुळे साई भक्तांना मोठा त्रास होत आहे. त्यामुळे याकडे शासनाने, जिल्हा पोलीस अधीक्षक राकेश ओला यांनी विशेष लक्ष द्यावे व शिर्डीतील अवैध दारू धंदे इतर अवैध धंदे त्वरित बंद व्हावे. म्हणून विशेष प्रयत्न करावे .अशी मागणी साई भक्त व नागरिकांकडून सध्या होत आहे.
