शिर्डी शहरातील धार्मिक आणि सामाजिक उपक्रमांची परंपरा जपणाऱ्या सन्मित्र युवक मंडळाच्या वतीने यंदाही सालाबादप्रमाणे श्री गणेश यागाचे आयोजन करण्यात आले आहे. मंडळाच्या वतीने सुरू असलेली ही परंपरा यंदा ६२व्या वर्षात पदार्पण करीत असून, सोमवार, दि. २१ सप्टेंबर २०२६ रोजी गणेश यागाला सुरुवात होणार आहे.
सन्मित्र चौक, ४ नंबर गेटसमोर शिर्डी येथे गणेश यागाचे आयोजन करण्यात आले असून, या धार्मिक उपक्रमात सहभागी होऊ इच्छिणाऱ्या कार्यकर्ते तसेच गणेश भक्तांनी मोठ्या संख्येने सहभागी व्हावे, असे आवाहन सन्मित्र युवक मंडळाच्या वतीने करण्यात आले आहे.
गणेश यागाच्या निमित्ताने परिसरात भक्तिमय वातावरण निर्माण होणार असून, गणरायाच्या चरणी श्रद्धा आणि भक्तिभावाने सेवा करण्याची संधी भक्तांना मिळणार आहे. गेल्या अनेक वर्षांपासून सन्मित्र युवक मंडळाने जपलेली ही धार्मिक परंपरा यंदाही उत्साहात पार पडणार आहे.
गणेश यागात सहभागी होण्यासाठी किंवा अधिक माहितीसाठी गजानन शेरवेकर अण्णा – ९४२२७९२०३८ यांच्याशी संपर्क साधावा, असे मंडळाच्या वतीने कळविण्यात आले आहे.
