चेन्नई वरून शिर्डीला थेट साई पालखी घेऊन पायी आले 32 साईपदयात्री! सर्वांचा संस्थांनचे मुख्य कार्यकारी अधिकारी पी शिवशंकर यांनी केला सत्कार!
शिर्डीला दररोज साई भक्त मोठ्या संख्येने बस, विविध खाजगी प्रवासी वाहनातून, रेल्वेमधून, विमानातून ,राज्यातून परराज्यातून दर्शनासाठी येत असतात. तसेच साई पालखी घेऊनही मोठ्या संख्येने साई पदयात्री येथे येत असतात. त्याचप्रमाणे थेट परराज्यातून चेन्नई येथून श्री साईबाबांचे पुण्यतिथी उत्सवानिमीत्त ३२ पदयात्री 32 दिवसांचा प्रवास पायी करत सुमारे पंधराशे किलोमीटर चालत चालत हे साईभक्त साईपालखी शिर्डी येथे आज घेऊन आले असून त्यांचे येथे आल्यानंतर श्री साईबाबा संस्थानचे वतीने मुख्य कार्यकारी अधिकारी पी. शिवा शंकर यांनी स्वागत केले . सर्व साई पदयात्रींचा शाल देऊन सत्कार करण्यात आला.
यावेळी प्रशासकीय अधिकारी राजतिलक बागवे, जनसंपर्क अधिकारी तुषार शेळके आदि उपस्थित होते. सुमारे पंधराशे किलोमीटर पायी चालत येऊन श्री साईबाबांचे मनोभावे दर्शन घेतले. दर्शनानंतर मोठे समाधान मिळाले. असे या साई पदयात्रींनी यावेळी सांगितले.
