शिर्डी (प्रतिनिधी) सध्याचा प्रसिद्ध बॉलिवूड किंगखान,व ज्येष्ठ अभिनेता शाहरुख खान आपली मुलीसह आज गुरुवारी शिर्डीत येऊन श्री साईबाबांच्या चरणी लीन झाला. शाहरुख खान यांनी श्री साई समाधी मंदिरात जाऊन श्री साईबाबांचे मनोभावे दर्शन घेतले. सन २०२३ हे वर्ष शाहरुखसाठी खास ठरलं आहे .या वर्षातील त्याचे पठाण आणि जवान हे दोन्ही सिनेमे ब्लॉकबस्टर ठरले. पठाण आणि जवान हे दोन्ही सिनेमे प्रदर्शित होण्याआधी शाहरुखने श्री साईबाबांना मनोभावे प्रार्थना केली होती.आता शाहरुखचा आगामी डंकी सिनेमा लवकरच प्रदर्शित होणार आहे. सिनेमा प्रदर्शित होण्याआधी तो शिर्डीत पोहोचला व त्याने श्री साईबाबा समाधी मंदिरात जाऊन श्री साईबाबांचे दर्शन घेतले. शाहरुख खान यांच्याबरोबर त्यांची मुलगी व या डंकी चित्रपटातील एक कलाकार त्यांच्या समवेत होते.त्याने साईंचे दर्शन घेत आशीर्वाद घेतले.
श्री साईबाबा संस्थांनच्या वतीने त्यांचा शाल श्री साई मूर्ती देऊन सत्कार करण्यात आला. आगामी डंकी चित्रपट चांगला चालू द्या! असे मनोमन प्रार्थना करत त्याने श्री साईबाबा चरणी साकडे घातले.
प्रसिद्ध सिने अभिनेता शाहरुख खान शिर्डीत साई दर्शनाला आल्याचे चहात्यांना समजताच त्यांनी शाहरुख खान यांना पाहण्यासाठी मोठी गर्दी केली होती. साई भक्त ,ग्रामस्थही यावेळी शाहरुख खानला हात हालवून अभिवादन करीत होते. शाहरुख खान शिर्डीत आल्यानंतर कडेकोट बंदोबस्त ही ठेवण्यात आला होता.
