शिर्डी प्रतिनिधी |
शिर्डी शहरात गर्दीच्या ठिकाणी दहशत माजवण्याच्या उद्देशाने तलवारीसह फिरणाऱ्या दोघा तरुणांना शिर्डी पोलिसांनी गुप्त माहितीच्या आधारे वेळीच पकडत मोठी कारवाई केली आहे. या कारवाईमुळे शहरात मोठा अनर्थ टळला असल्याचे पोलिसांकडून सांगण्यात येत आहे.
⚖️ गुप्त बातमी आणि तातडीची पोलिस कारवाई
दि. 22/10/2025 रोजी शिर्डी पोलीस स्टेशनचे मा. पोलीस निरीक्षक (सो) यांना गुप्त बातमीदाराकडून माहिती मिळाली की, काही इसम अनधिकृतरित्या तलवार बाळगून पालखी रोड परिसरात गैरकृत्य करण्याच्या उद्देशाने फिरत आहेत.
ही माहिती मिळताच पोलीस निरीक्षकांनी पोउनि सागर काळे, पोना किरण माळी व पोहेकॉ. पंकज गोसावी यांना तत्काळ तपास व कारवाईचे आदेश दिले.
🕵️♂️ पालखी रोडवर तलवारधारी इसम पकडले
सदर पथकाने पंचांच्या उपस्थितीत पालखी रोड परिसरात सापळा लावला असता, सुमारे संध्याकाळी 4.30 वाजता दोन तरुण हातात तलवार घेऊन आरडा-ओरडा करत फिरताना दिसले. पोलिसांनी त्यांना ताब्यात घेतले असता त्यांची नावे अशी सांगण्यात आली —
1️⃣ विलास माणिक येटम उर्फ जाधव (वय 19, रा. भिमनगर, शिर्डी)
2️⃣ उदय आप्पासाहेब गायकवाड (वय 19, रा. नवीन बाजारतळ, शिर्डी)
⚔️ तलवारीसह दोघांचा अटक व पंचनामा
पोलिसांनी पंचासमक्ष दोघांची झडती घेतली असता, विलास येटम याच्या हातात एक 32 इंच लांबीची स्टीलची तलवार आढळून आली. ही तलवार एका बाजूने धारदार व मुठ असलेली असून किंमत अंदाजे ₹500 इतकी असल्याचे पोलिसांनी नमूद केले आहे.
सदर तलवार पंचांच्या उपस्थितीत जप्त करून पंचनामा करण्यात आला.
🚨 ‘आर्म्स ॲक्ट’ अंतर्गत गुन्हा दाखल
या घटनेनंतर शिर्डी पोलीस स्टेशनला सरकारतर्फे फिर्याद नोंदविण्यात आली असून, आरोपींविरुद्ध आर्म्स ॲक्ट कलम 25(4) अंतर्गत गुन्हा दाखल करण्यात आला आहे.
सदर कारवाई पोउनि सागर काळे यांच्या नेतृत्वाखाली करण्यात आली असून, पोना किरण माळी यांनी फिर्याद दिली आहे.
💬 शिर्डी पोलिसांचा कडक इशारा
शिर्डी पोलीस स्टेशनकडून नागरिकांना आवाहन करण्यात आले आहे की, शहरातील कायदा व सुव्यवस्था अबाधित राखण्यासाठी पोलीस कटिबद्ध आहेत. कोणतीही संशयास्पद हालचाल दिसल्यास तत्काळ पोलीसांना कळवावी.
🙏 साई नगरीत कायदा मोडणाऱ्यांना स्थान नाही!
साईबाबांच्या पवित्र नगरीत अशा प्रकारे दहशत माजवण्याचा प्रयत्न करणाऱ्यांना पोलीसांनी दाखवलेले धाडस आणि तत्परता हे कौतुकास्पद आहे. शहरातील नागरिकांनी पोलिसांच्या या कारवाईचं स्वागत करत “शिर्डी सुरक्षित आहे, कारण पोलिस जागे आहेत” असे मत व्यक्त केले.
