शिर्डी (प्रतिनिधी) शिर्डी येथे श्री साईबाबांच्या दर्शनासाठी मोठ्या संख्येने साईभक्त येत असतात व श्रद्धेने दान देत असतात. श्री साईबाबांच्या चरणी आपली श्रद्धा व्यक्त करण्यासाठी भाविक सदैव झोळीत भरभरून दान देत असतात. काल मकर संक्रांतीच्या पुर्वसंध्येला दि. १३ जानेवारी २०२५ रोजी कोईमतुर, तामिळनाडु येथील श्री एस. वाडीवेल या साईभक्ताने श्री साईचरणी ८० ग्रॅम वजनाची आकर्षक सुवर्ण साखळी अर्पण केली.
या साखळीची किंमत ५ लाख ७३ हजार ४३० रुपये आहे.
ही सुंदर सुवर्ण साखळी श्री साईबाबांच्या चरणी अर्पण करून, श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांच्याकडे सुपुर्द करण्यात आली. या प्रसंगी, श्री साईबाबा संस्थानच्या वतीने मुख्य कार्यकारी अधिकारी गोरक्ष गाडीलकर यांनी श्री एस. वाडीवेल यांचा सत्कार केला. यावेळी साईभक्त यांचा परिवार उपस्थित होता.
