शिर्डी (प्रतिनिधी) शिर्डी येथील साई संस्थांनच्या द्वारावती समोरील गार्डन या ठिकाणी लहान मुलांना खेळण्यासाठी असलेले झोके, घसरगुंडया एक महिन्यापासून दुरुस्तीच्या नावाखाली बंद ठेवलेले असून त्या त्वरित सुरू करण्याची मागणी शिर्डीतील सामाजिक कार्यकर्ते दिगंबर हरिभाऊ कोते यांनी साई संस्थान कडे एका अर्ज द्वारे केली होती.
त्या अर्जाची दखल घेऊन साई संस्थांनने त्वरित या गार्डन मधील लहान मुलांच्या खेळण्या दुरुस्त करून ही गार्डन सुरू केली आहे.
शिर्डीतील सामाजिक कार्यकर्ते दिगंबर हरिभाऊ कोते यांनी साई संस्थान कडे द्वारावती समोरील गार्डन मधील मुलांच्या खेळण्या बंद असल्यामुळे शिर्डी परिसरातील व साईभक्त यांच्या मुलांचे हाल होत आहे तरी सदर घसरगुंडी व झोके सुरु करणेबाबत विनंती केलेली होती.
त्यांच्या अर्जाची दखल घेऊन व्दारावती गार्डनमधील खेळणी दुरुस्त करणेकामी दि.०८/०२/२०२५ रोजीचे मंजुर टिपणीन्वये कार्यवाही करणेत आलेली असून व्दारावती गार्डनमधील खेळणी दुरुस्त करुन गार्डन सुरु करणेत आलेले आहे. त्यामुळे आता लहान मुलांमधून समाधान व्यक्त होत आहे.
