शिर्डी : विविध गंभीर गुन्ह्यांमध्ये पोलिसांना हवा असलेला निमगावचा फरार आरोपी भाऊसाहेब उर्फ भावड्या जगताप अखेर पोलिसांच्या हाती लागला आहे. अनेक दिवसांपासून पोलीस यंत्रणा त्याच्या मागावर होती. अखेर शिर्डी शहरात लपून बसलेल्या या आरोपीचा ठावठिकाणा लागताच कारवाईचा वेग वाढवण्यात आला.
🚔 पोलीस उपनिरीक्षक निवांत जाधव यांच्या पथकाची सर्जिकल स्ट्राईक
पोलीस उपनिरीक्षक निवांत जाधव यांच्या नेतृत्वाखालील पथकाने अत्यंत गुप्त माहितीच्या आधारे शिर्डी कोपरगाव रोड लगत छापा टाकत आरोपीला ताब्यात घेतले. पोलिसांची ही कारवाई अत्यंत नियोजनबद्ध व अचूक ठरली. फरार आरोपीला अटक होताच परिसरात एकच खळबळ उडाली.
⚖️ न्यायालयात हजर; पुढील कारवाईकडे लक्ष
अटक करण्यात आलेल्या आरोपीला तात्काळ न्यायालयासमोर हजर करण्यात आले असून, त्याला 1 दिवसाची पोलीस कोठडी सुनावण्यात आली आहे. पोलिसांकडून त्याची कसून चौकशी सुरू असून, आणखी गुन्ह्यांचे धागेदोरे समोर येण्याची शक्यता वर्तवली जात आहे.
