शिर्डी | प्रतिनिधी
शिर्डी नगर परिषदेच्या मतमोजणीत एकामागोमाग एक निकाल समोर येत असून, अनेक प्रभागांतून निर्णायक विजय नोंदवले जात आहेत. मतमोजणी जसजशी पुढे सरकत आहे, तसतसे सत्तासमीकरणे अधिक स्पष्ट होत असून, काही गटांची घोडदौड ठळकपणे दिसून येत आहे.
ब्रेकिंग : निलेश कोते विजयी; समर्थकांमध्ये उत्साह
ताज्या निकालानुसार निलेश कोते यांनी विजय संपादन केला असून, त्यांच्या विजयामुळे समर्थकांमध्ये आनंदाचे वातावरण निर्माण झाले आहे. या विजयाने कोते गटाची नगर परिषदेतील ताकद आणखी वाढली असल्याचे स्पष्ट होत आहे.
ब्रेकिंग : दीपक रमेश गोंदकर, सचिन गायकवाड व मंगेश त्रिभुवन विजयी
मतमोजणीतील पुढील टप्प्यात
🔹 दीपक रमेश गोंदकर
🔹 सचिन गायकवाड
🔹 मंगेश त्रिभुवन
यांनी आपापल्या प्रभागातून दणदणीत विजय मिळवला आहे. या निकालांमुळे गोंदकर गटाची पकड मजबूत होत असून, नगर परिषदेत त्यांच्या प्रतिनिधित्वात लक्षणीय वाढ झाली आहे.
ब्रेकिंग : बापू ठाकरे व आशा कमलाकर कोते विजयी; महिला नेतृत्वाचीही छाप
दरम्यान,
🔹 बापू ठाकरे
🔹 आशा कमलाकर कोते
यांनीही विजय नोंदवला असून, विशेषतः आशा कमलाकर कोते यांच्या विजयानं महिला नेतृत्वाची ठळक छाप नगर परिषदेत उमटली आहे. या निकालांनी शिर्डीतील राजकीय समीकरणे वेगाने बदलत असल्याचे चित्र स्पष्ट झाले आहे.
ब्रेकिंग : निकालांचा ओघ सुरूच; अंतिम सत्तेचे चित्र लवकरच स्पष्ट
मतमोजणी अद्याप सुरू असून, रवींद्र गोंदकर यांच्या निकालाबाबत उत्सुकता कायम आहे. प्रत्येक निकालासोबत राजकीय वातावरण अधिक तापत असून, अंतिम सत्ता कोणाच्या हाती जाणार याचे चित्र लवकरच स्पष्ट होणार आहे. प्रशासन अद्याप हाय अलर्ट मोडवर असून, शांतता राखण्याचे आवाहन करण्यात आले आहे.
