शिर्डी ( प्रतिनिधी)
शिर्डी येथील श्री साईबाबा एम्प्लॉईज सोसायटीच्या वतीने सभासदांना यावर्षी दिवाळीनिमित्त 15 टक्के डिव्हीडंट आणि ठेवीवर नऊ टक्के व्याज तसेच प्रत्येक सभासदाला दिवाळी भेट म्हणून 50 किलो साखर, भिंतीवरील घड्याळ, पाच लिटर तेलाचा डब्बा ,एक किलो फरसाण व एक किलो मिठाई देण्यात येत असून या दिवाळी भेट वस्तूंचा वितरण प्रारंभ नुकताच शिर्डी येथे
साईबाबा संस्थानचे मुख्य कार्यकारी अधिकारी गोरक्ष गाडीलकर तसेच सरला बेट चे महंत रामगिरीजी महाराज व संत ज्ञानेश्वर महाराज मंदिराचे महंत श्री काशीकानंद महाराज यांच्या हस्ते नुकताच मोठ्या उत्साहात संपन्न झाला.
या दिवाळी भेटवस्तू वितरण प्रारंभ कार्यक्रमाला साई संस्थानचे प्रशासकीय अधिकारी संदीप कुमार भोसले, श्रीमती प्रज्ञा मंहाडुळे, विश्वनाथ बजाज, मुख्यालेखाधिकारी श्रीमती मंगला वराडे ,संरक्षण अधिकारी पोलीस निरीक्षक रोहिदास माळी आदी प्रमुख मान्यवर उपस्थित होते.
यावेळी या संस्थेचे चेअरमन विठ्ठलराव पवार यांनी संस्थेत गेल्या सहा महिन्यापासून विविध सभासदांच्या हिताचे व पारदर्शी असे निर्णय घेण्यात आले असून संस्थेची प्रगती अधिकाधिक कशी होईल, संस्थेपासून येथे येणाऱ्या भाविकांना अधिक सुविधा ,लाभ कसा देता येईल ,याचा संस्थेच्या पदाधिकाऱ्यांचा सातत्याने प्रयत्न असून त्यास सर्वांचे सहकार्य मिळत आहे. असे आपल्या प्रस्तविकात सांगितले. यावेळी मंहत रामगिरीजी महाराज
व महंत काशीकानंद महाराज यांनीही या संस्थेला तसेच संस्थेच्या सभासदांना असीच यापुढे प्रगती होत राहून प्रत्येकाच्या जीवनात दिवाळीप्रमाणेच प्रत्येक दिवस गोड जावो. असे यावेळी आशीर्वाद दिले. संस्थांनचे मुख्य कार्यकारी अधिकारी गोरक्ष गाडीलकर यांनीही या संस्थेद्वारे सभासदांचे हित चांगल्या प्रकारे जपले जात असल्याचे सांगून एक प्रकारे या नवीन संचालक मंडळाचे त्यांनी कौतुक केले. यावेळी संस्थेचे व्हा.चेअरमन पोपटराव कोते,
तसेच संस्थेचे संचालक महादू कांदळकर, संभाजी तुरकणे ,मिलिंद दुनबळे भाऊसाहेब लवंडे , सुनंदा जगताप, कृष्णा आरणे ,देविदास जगताप, तुळशीराम पवार, इकबाल तांबोळी ,सौ लता बारसे, भाऊसाहेब कोकाटे ,विनोद गोवर्धन कोते, गणेश अहिरे, संभाजी गागरे व तज्ञ संचालक भाऊसाहेब लबडे ,सचिव नबाजी नामदेव डांगे ,सहसचिव विलास वाणी व संस्थेचे सर्व कर्मचारी सभासद मोठ्या संख्येने यावेळी उपस्थित होते.
