राहता( प्रतिनिधी) राहता तालुक्यातील निर्मळ पिंपरी येथे,ना.विखेंच्याच दोन गटात झालेल्या ग्रामपंचायत निवडणूकित विरोधकाचा प्रचार केल्याच्या राग मनात धरून. काही गावगुंडांनी ६ डिसेंबर रोजी सकाळी ११ वाजता ग्रामसभा घेऊन. २ दलित कुटुंबांवर बहिष्कार टाकून. त्यांना गाव सोडण्यास सांगितले, ही माहिती देण्यासाठी आलेल्या,ग्राम पंचायत कर्मचा-याचा व्हिडिओ देखील समोर आला आहे. याबाबत पोलिसात तक्रार दिल्यानंतर, सायंकाळी ६ वाजेच्या सुमारास, संरक्षणासाठी आलेल्या २ पोलिसांवर २०० ते २५० जणांच्या जमावाने चाल करून, पोलिसांना धक्काबुक्की मारहाण करत, दलित कुटुंबाच्या घरावर दगडफेक करून. त्यांची घरे जाळून जनावरांसह कुटुंबातील लोकांना मारहाण केल्याचा अमानुष घटना घडली आहे.
याबाबत माहिती मिळताच सहाय्यक पोलिस निरीक्षक आठरे यांनी घटनास्थळी जाऊन. पीडित कुटुंबातील ६ पुरुष ८ महिला व १० लहान मुलांना लोणी पोलीस ठाण्यात आणल्या नंतर. संबंधित आरोपीं विरोधात रात्री उशिरा गुन्हा दाखल करण्यात आला असून.या घटनेची महिती मिळताच दलित संघटनेच्या कार्यकर्त्यांचा मोठा जमाव,लोणी पोलीस ठाण्यात जमा झाला होता. यावेळी संबंधित आरोपींना पोलिसांनी तात्काळ अटक न केल्यास तीव्र आंदोलनाचा इशारा रिपाईचे जिल्ह्याध्यक्ष सुरेंद्र थोरात यांनी दिला आहे.
