शिर्डी :
प्रसिद्ध सिनेअभिनेते, निस्सीम साईभक्त आणि समाजसेवक सोनू सूद यांनी गुरुपौर्णिमेच्या पावन पर्वानिमित्त श्री साईबाबांच्या समाधीचे भक्तिभावाने दर्शन घेतले. समाधी मंदिरात त्यांनी श्रींच्या चरणी नतमस्तक होत देशाच्या सुख-समृद्धी व सर्वांच्या कल्याणासाठी प्रार्थना केली.
दर्शनानंतर श्री साईबाबा संस्थानच्या वतीने मुख्य कार्यकारी अधिकारी गोरक्ष गाडीलकर, भा.प्र.से. यांच्या हस्ते सोनू सूद यांचा शाल, श्रीफळ व साईबाबांची प्रतिमा देऊन सत्कार करण्यात आला.
समाजसेवा आणि मानवतेच्या कार्यामुळे देशभरात विशेष ओळख निर्माण केलेले सोनू सूद हे श्री साईबाबांचे निस्सीम भक्त मानले जातात. गुरुपौर्णिमेच्या निमित्ताने त्यांच्या शिर्डी भेटीमुळे उपस्थित साईभक्तांमध्ये उत्साहाचे वातावरण निर्माण झाले. श्रद्धा आणि सबुरीचा संदेश देणाऱ्या श्री साईबाबांच्या पावन समाधीचे दर्शन घेऊन त्यांनी साईचरणी आपली कृतज्ञता व्यक्त केली.
