कोपरगांव – दुय्यम कारागृहात कैद्यांचा राडा ; राड्यात पोलिसाला झाली मारहाण
कोपरगाव येथील दुय्यम कारागृह येथे असलेल्या कैद्यांमध्ये आपापसात राडा चालू असून स.फौजदार सोडवण्यासाठी गेले असता त्यांना देखील लाथा बुक्क्यांनी मारहाण करुन जीवे मारण्याची धमकी दिल्याचा धक्कादायक प्रकार समोर आला आहे.
याप्रकरणी कोपरगांव शहर पोलीस ठाण्यात गुन्हा दाखल करण्यात आला आहे. दरम्यान या घटनेमुळे कारागृहात खळबळ उडाली आहे.
किरण अर्जुन आजवे व मयूर उर्फ भुऱ्या अनिल गायकवाड असे आरोपीचे नाव असून, सध्या दोन्ही आरोपी हे कोपरगाव दुय्यम कारागृहात कैदी आहे. याप्रकरणी स .फौ.यशवंत भीमराव पांडे यांनी दिलेल्या फिर्यादी वरून कोपरगाव शहर पोलिस ठाण्यात या दोघांन विरूद्ध तक्रार देऊन गुन्हा दाखला कऱण्यात आला आहे.
जनतेचे संरक्षण करणाऱ्या पोलिसांवरच जर कारागृहात असे हल्ले होत असेल तर सर्वसामान्य जनतेचे पोलीस कसे संरक्षण करणार ? असा सवाल नागरिकांकडून उपस्थीत केला जात आहे.
