शिर्डी ( प्रतिनिधी) संपूर्ण विश्वात शिर्डी एक प्रसिद्ध देवस्थान म्हणून गणले जात आहे. अशा प्रसिद्ध देवस्थानचा साई संस्थान विश्वस्त व्यवस्था कारभार पाहत आहे. या साई संस्थांनमध्ये मोठ्या संख्येने अधिकारी ,कामगार असून या कायम कामगारांची श्री साई संस्थान कर्मचारी सोसायटी ही अहिल्यानगर जिल्ह्यामध्ये मोठी आर्थिक उलाढाल असणारी एक संस्था आहे.
अशा या संस्थेचे चेअरमन विठ्ठलराव तुकाराम पवार यांचा गुरुवार 23 जानेवारी 2025 रोजी वाढदिवस आहे. त्यांचा वाढदिवस आज गुरुवारी विविध सामाजिक उपक्रम राबवून साजरा करण्यात येत आहे. त्यांना वाढदिवसानिमित्त त्यांच्यावर शुभेच्छांचा वर्षाव होत आहे. विठ्ठलराव उर्फ माऊली यांना प्रत्यक्ष भेटून सत्कार करण्यात येत आहे. मोबाईलवर सोशल मीडियावर वाढदिवसानिमित्त अभिष्टचिंतन करण्यात येत आहे.
विठ्ठलराव पवार हे साई संस्थांनमध्ये नोकरीला असून ते नुकतेच श्री साई संस्थान क्रेडिट को-ऑपरेटिव्ह सोसायटीच्या निवडणुकीत आपल्या पॅनल उभा करून घवघवीत यश संपादन करत चेअरमन झाले आहे. ते मागील संचालक मंडळातही संचालक होते. ते संचालक असो चेअरमन असो की नसो, मात्र त्यांचे सभासदांसाठी काम नेहमी सुरू असते.
ग्राउंड लेव्हल ला संस्थान कर्मचारी ,सोसायटी सभासद ,सोसायटीचे कर्मचारी यांच्या समस्या, प्रश्न सोडवण्यासाठी ते नेहमी तत्पर असतात. सोसायटी मार्फत अनेक चांगले व धाडसी निर्णय त्यांनी आपल्या संचालक मंडळाच्या विश्वासाने घेतले आहेत. त्यांच्या या निर्णयाचे सर्व सभासद व कर्मचाऱ्यांमधून स्वागत होत आहे.
जरी या सोसायटीत चेअरमन असले तरी आपण संस्थांनचे कर्मचारी आहोत. असे समजून ते आपले कामही प्रामाणिकपणे साईंची सेवा म्हणून करत असतात. अगदी साधी राहणीमान, मोजके पण मुद्देसूद बोलणे, सर्वांशी आपुलकीने वागणे, स्पष्ट वकृत्व, असा त्यांचा स्वभाव आहे. आपले प्रामाणिक काम करत असताना ते सामाजिक ,धार्मिक, शैक्षणिक या कार्यातही नेहमी अग्रेसर असतात. साईबाबांच्या पालख्या व साई पदयात्रांसाठी त्यांची नेहमी धडपड असते.
त्यासाठी त्यांनी आपल्या कणकुरी गावी साई पालखी निवाराही बनवला आहे. शिर्डी परिक्रमा असो की आषाढी एकादशीला पंढरपूर पायी वारी असो, त्यामध्ये त्यांचा सहभाग असतो.
त्यांनी या वर्षी आषाढी एकादशीची पंढरपूर वारी केली आहे. त्यांच्या या सर्व कामाची व अध्यात्मिक कार्याची खुद्द सरला बेट चे महंत ह भ प रामगिरीजी महाराज यांनी सुद्धा ते चेअरमन झाल्यानंतर त्यांचा आशीर्वाद रुपी सन्मान करताना प्रशंसा केली आहे.
साई संस्थांनमध्ये प्रामाणिक नोकरी, श्री साईबाबा कर्मचारी सोसायटीमध्ये चेअरमन म्हणून विविध जबाबदारी यशस्वी पार पडत असताना आपली शेतीही ते मोठ्या कुशलतेने सांभाळतात.
संस्थान कर्मचारी असो की, नातलग असो की, मित्रपरिवार असो कोणाच्याही दुःखामध्ये, सुखामध्ये ते सहभागी होतात. म्हणूनच त्यांचा मोठा मित्रपरिवार असून त्यामुळे त्यांना वाढदिवसानिमित्त आज गुरुवारी सकाळपासूनच शुभेच्छांचा वर्षाव होत आहे.
ठीक ठिकाणी सत्कार होत आहे. विठ्ठलराव पवार यांच्या वाढदिवसानिमित्त मित्र परिवाराच्या वतीने विविध सामाजिक कार्यक्रमाचे आयोजन करण्यात आले आहे. वृक्षारोपण, रक्तदान शिबिर आदी उपक्रम राबविण्यात येत आहे. श्री साई संस्थान एम्पलॉइस क्रेडिट को-ऑपरेटिव्ह सोसायटीचे चेअरमन विठ्ठलराव पवार यांना वाढदिवसानिमित्त दैनिक साई दर्शन परिवाराच्या वतीनेही हार्दिक शुभेच्छा आहेत.
