राहाता (प्रतिनिधी) – राहाता शहरात अवैध व्यवसायांनी अक्षरशः कळस गाठला असून, त्यातून गुन्हेगारीला खुले आम खतपाणी घातले जात आहे. या अवैध धंद्यांचाच परिणाम म्हणून सचिन गिधे या तरुणाची निर्घृण हत्या झाली. मात्र, ही घटना दाबण्याचे अनेक प्रयत्न झाल्याचा गंभीर आरोप होत आहे.
प्रकरणावर पडदा टाकण्याचा प्रयत्न सुरू असतानाच वृत्तपत्रात बातम्या प्रसिद्ध झाल्यानंतर वरिष्ठ पोलीस अधिकाऱ्यांनी लक्ष घातले आणि अखेर आरोपींना अटक करण्यात आली. मात्र हा केवळ एक भाग असून, राहात्यातील गुन्हेगारीचे मुळ अजूनही तसेच कायम आहे.
बिंगो अड्ड्यावर कहीं दिवसांपूर्वी लाख हरला, फिट आली, आत्महत्येचा प्रयत्न – प्रकरण दाबले
राहाता येथील छत्रपती शिवाजी महाराज संकुलात असलेल्या बिंगो अड्यावर बनसोडे नावाच्या व्यक्तीने तब्बल १ लाख रुपये हरल्याने त्याला तिथेच फिट आली. त्यानंतर to शुद्धीवर आल्यानंतर त्याने विष प्राशन करून आत्महत्या करण्याचा प्रयत्न केल्याचे सांगितले, मात्र हे संपूर्ण प्रकरण त्याच ठिकाणी दाबण्यात आल्याची खात्रीशीर माहिती समोर आली आहे.
हत्या झाली, पण आरोपींचे अवैध धंदे सुरूच!
एका तरुणाची हत्या होऊनही संबंधित गुन्हेगारांचे बिंगो, जुगार, मटका, गुटखा तस्करी हे अवैध व्यवसाय आजही राजरोसपणे सुरू आहेत, ही बाब अत्यंत धक्कादायक आहे.
दैनिक साई दर्शनने वेळोवेळी या गंभीर बाबी जनतेसमोर तसेच शासकीय अधिकाऱ्यांच्या निदर्शनास आणून दिल्या,
मात्र स्थानिक पातळीवर कोणतीही ठोस दखल घेण्यात आली नाही.
राहाता पोलिसांविरोधात थेट महासंचालकांकडे तक्रार
अखेर या गंभीर दुर्लक्षामुळे राहाता पोलिसांविरोधात राज्याचे पोलीस महासंचालक यांच्याकडे तक्रार दाखल करण्यात आली.
त्यावर माननीय पोलीस महासंचालकांनी या प्रकरणाचे गांभीर्य ओळखून नाशिक परिक्षेत्राचे सी.पी. यांना चौकशीचे आदेश दिले.
असे असूनही अवैध धंदे सुरूच – राहाता शहरात बिंगो, जुगार, मटका आणि गुटखा तस्करी आजही खुलेआम सुरू असल्याने,
👉 राहाता पोलिसांची भूमिका संशयाच्या भोवऱ्यात
👉 गुन्हेगारांना अभय देणारे कोण?
👉 आदेश कागदावरच राहणार का?
असे थेट सवाल आता जनतेतून उपस्थित होत आहेत.
राहाता शहर कायद्याच्या राज्यात आहे की गुन्हेगारांच्या छत्राखाली?
हा प्रश्न आज प्रत्येक सजग नागरिक विचारत आहे.
