शिर्डी (प्रतिनिधी)काश्मीर मधील पहलगाम येथील दहशतवादी हल्ल्याच्या घटनेनंतर भारतीय सेनेने “ऑपरेशन सिंदूर “च्या माध्यमातून पाकिस्तानात घुसून दहशतवादी तळे उध्वस्त केले. पाकिस्तानलाही आपल्या शक्तीची जबराक दाखवून दिली.भारतीय सेनेच्या या अतुलनीय साहसी कृतीने सर्व जगाला अचंबित केले.
त्यामुळे आपल्या
भारतीय सेनेचा गौरव करण्याच्या उद्देशाने शिर्डीमध्ये भव्यदिव्य तिरंगा रॅलीचे आयोजन करण्यात येणार आले आहे.या तिरंगा रॅलीच्या संदर्भात शनिवारी सकाळी ठीक ११ वा.हॉटेल साईश पिंपळवाडी रोड या ठिकाणी शिर्डीतील सर्वपक्षीय पदाधिकारी कार्यकर्ते व देश प्रेमींच्या वतीने बैठकीच्या आयोजन करण्यात आले होते.
या बैठकीमध्ये भारतीय सेनेचे अभिनंदन करण्यात आले. व भारतीय नागरिक म्हणून आपल्या भारतीय सैन्याचे मनोबल व उत्साह वाढवण्यासाठी तसेच आपण आपल्या भारतीय सैन्यांच्या तसेच पंतप्रधान नरेंद्रजी मोदी यांच्या पाठीशी आहोत.
त्याकरीता भारतीय नागरिक म्हणून एक भव्य अशी तिरंगा रॅली 19 मे 2025 सोमवार रोजी सायंकाळी पाच वाजता आयोजित करण्यात आली आहे.
शिर्डी येथील छत्रपती शिवाजी महाराज व्यापारी संकुल, नगर परिषद येथून या तिरंगा रॅली ची सुरुवात होणार आहे. शिर्डी मध्ये आयोजित या तिरंगा रॅलीमध्ये सर्व नागरिक ,महिला ,युवक, देश प्रेमी नागरिकांनी मोठ्या संख्येने सहभागी व्हावे .असे आवाहन करण्यात आले आहे.
