शिर्डी प्रतिनिधी/
शिर्डी आतरराष्ट्रीय विमानतळाकडे कराच्या थकबाकी पोटी पाठपुरावा करुन देखील गावाच्या पायाभूत विकासासाठी ज्या भुमिपुत्रानी शेत जमिनी देखील दिलेल्या असताना त्यांना मदत करण्याची गरज असताना करापोटी देखील थकबाकी वसुली होत नसल्याने वसुली साठी जंगम मालमत्ता जप्तीचे वाॅरंट विमानतळ प्रशासनाला काकडी ग्रामपंचायतीने दिले आहे अशी माहिती सरपंच पुर्वा गुंजाळ यांनी दिली शिर्डी लगत पण कोपरगाव तालुक्यातील काकडी ग्रामपंचायत हद्दीत हे विमानतळ उभारण्यात आले आहे आठ कोटी ३०लाख इतकी रक्कम थकबाकी आहे वसुली होत नाही म्हणून महाराष्ट्र ग्रामपंचायत अधिनियम १९५८ कलम १२९ अन्वये हि कारवाई करण्यात आली आहे
संरपच पुर्वा गुंजाळ यांनी सांगितले की आठ कोटी ३०लाख इतकी मोठी रक्कम अनेक कालावधी पासून प्रलंबित आहे काकडी गावाच्या दैनंदिन कामकाजावर व विकासावर मोठा परिणाम होत आहे त्यामुळे ग्रामस्थांच्या हिताला प्राधान्य देण्यासाठी हा निर्णय घेण्यात आला आहे महाराष्ट्र विमान विकास प्राधिकरण मुंबई यांना दिलेल्या पत्रात मागणी पत्र स्मरण पत्र हुकूम नोटीस करवसुली नोटीस लोक अदालत नोटीस ग्रामपंचायत ठराव नोटीस सर्व कायदेशीर प्रक्रिया पूर्ण केलेल्या आहेत तरी देखील थकबाकीवसुली साठी भरणा केलेला नाही जप्त कारवाईत आर सी सी पध्दतीचे घर टर्मिनल बिल्डिंग पहिला मजला आदीसह विमानतळ प्राधिकरणाने बांधलेल्या अनेक इमारती कार्यालय रणवे सब स्टेशन पेट्रोल पंप मनोरा तळ ८२३,५० एकर जागा अशा विविध प्रकारच्या इमारती पोटी हि थकबाकी आकारणी करण्यात आलेली आहे अनेकदा आश्वासन देऊन देखील विमानतळ प्राधिकरण या ग्रामपंचायतची कराची रक्कम देत नसल्याने ग्रामस्थांनी आपल्या तीव्र भावना व्यक्त केल्या आहेत साईभक्त व भाविकांच्या हितासाठी ज्या गावाने विमानतळासाठी योगदान दिले त्याच गावाला कशा पद्धतीने वेठीस धरले जाते याचे हे एक प्रकारे उदाहरण म्हटले पाहिजे
