सुप्रसिद्ध अभिनेता आणि शिर्डी साईबाबांचे परमभक्त मनोज कुमार यांचे आज वयाच्या 87 वर्षी निधन झालय. मनोज कुमार यांच्या जाण्याने शिर्डीसह साई भक्तांनावर मोठा दुःखाचा डोंगर कोसळलाय. मात्र शिर्डीच्या आणि भाविकांच्या हृदयात के कायम स्वरुपी राहतील.
अभिनेता मनोज कुमार हे आपल्या प्रखर देशभक्तीपर चित्रपटांसाठी ओळखले जात होते. त्याच बरोबरीने
शिर्डीच्या साईबाबांची महती त्यांनी देशभर “शिर्डी के साईबाबा” या चित्रपटाच्या माध्यमातून पोहचवली होती.
मनोज कुमार यांनी 1977 साली निर्मीत
“शिर्डी के साईबाबा” या चित्रपटामुळे शिर्डी साईबाबांची महती देशभर पसरली आणि या चित्रपटानंतर भाविकांची रिघ शिर्डीत येण्यास सुरुवात झाली.
मनोज कुमार हे शिर्डी साईबाबांचे परम भक्त होते. ते 1957 साला पासून साईबाबांच्या दर्शनासाठी शिर्डीला येत होते. साईबाबांच्या दर्शनासाठी आल्यानंतर ते बहुतांशी वेळा साईची प्रतिमा असलेली भगवी फफनी आपल्या डोक्यावर बांधत असत
मनोज कुमार यांच्या “शिर्डी के साईबाबा”
या चित्रपटामुळे साईबाबांची महिमा करोड भाविकांपर्यंत पोहोचल्याने शिर्डी ग्रामस्थांनी त्यांचा 2001 साली शिर्डीत नागरी सत्कार ठेवत शहरातून भव्य मिरवणूकही काढली होती. तसेच शिर्डी नगरपंचायतच्या वतीने साईबाबांच्या मंदिराच्या गेट क्रमांक 1 जवळील जुन्या पिंपळवाडी मार्गाला मनोजकुमार गोस्वामी मार्ग असे नाव देण्यात आले आहे.
मनोजकुमार यांच्या जाण्याने शिर्डीतुनही मोठी हळहळ व्यक्त करण्यात येत असून शिर्डी ग्रामस्थांच्या वतीने मनोजकुमार यांना आज श्रद्धांजली वाहण्यात आलीय.
प्रसिद्ध निर्माते दिग्दर्शक व सिने कलाकार आणि विशेष म्हणजे निसिम देशभक्त साईभक्त मनोज कुमार यांचे नुकतेच मुंबईत निधन झाले असून सर्वत्र त्यांच्या निधनाबद्दल दुःख व्यक्त होत आहे. स्वर्गीय मनोज कुमार हे साईभक्त होते ते काही वर्षांपूर्वी शिर्डीत साई दर्शनाला आले असता साईबाबा इंटरनॅशनल हॉटेलमध्ये त्यांची विशेष अशी मुलाखत घेतानाचा क्षण
