गणेशोत्सव काळात दारु पिऊन धिंगाणा होऊ नये, किंवा दारु हे कुठल्याही अनुचित प्रकाराचे कारण ठरु नये म्हणून जिल्हाधिकाऱ्यांनी चक्क दारुबंदीचे आदेशच काढले आहेत. त्यानुसार, गणपती बाप्पांच्या आगमनाच्या दिवशी म्हणजे शनिवार 7 सप्टेंबर रोजी श्री गणेश चतुर्थी दिनी रत्नागिरी जिल्ह्यात दारुबंदी करण्यात आली आहे
जिल्हाधिकारी एम.देवेंदर सिंह यांनी सणासुदीच्या, गणेशोत्सवाच्या काळात तीन दिवस मद्यविक्रीला (Liquor) बंदी घातली आहे. त्यानुसार, शनिवार 7 सप्टेंबर रोजी श्री गणेश चतुर्थी दिनी, गुरुवार 12 सप्टेंबर रोजी ज्येष्ठा गौरी विसर्जन आणि मंगळवार 17 सप्टेंबर रोजी अनंत चतुर्दशी या तीनही दिवशी जिल्ह्यातील सर्व किरकोळ देशी/विदेशी मद्य विक्री व ताडी/माडी विक्री अनुज्ञप्ती संपूर्ण दिवस बंद राहतील,
असे आदेश जिल्हाधिकारी एम देवेंदर सिंह यांनी दिले आहेत. यंदाच्या वर्षी 7 सप्टेंबर ते 17 सप्टेंबर 2024 या कालावधीत गणेशोत्सव साजरा होणार आहे. गणेशोत्सवाच्या कालावधीत जिल्ह्यात शांतता व सुव्यवस्था राखण्याच्यादृष्टीने मुंबई मद्य निषेध अधिनियम 1949 चे कलम 142 अन्वये प्रदान करण्यात आलेल्या
अधिकारांचा वापर करुन जिल्हाधिकारी सिंह यांनी शनिवार 7 सप्टेंबर रोजी श्री गणेश चतुर्थी, गुरुवार 12 सप्टेंबर रोजी ज्येष्ठा गौरी विसर्जन, मंगळवार 17 सप्टेंबर रोजी अनंत चतुर्दशी या तीनही दिवशी जिल्ह्यातील सर्व किरकोळ देशी/विदेशी मद्य विक्री व ताडी/माडी विक्री अनुज्ञप्ती संपुर्ण दिवस बंद राहतील, असे आदेश जारी केले आहेत.
