सदर चोरी करतांना चोरट्यांनी चोरीची मोडस बदलून घेत विना नंबरच्या मोटरसायकलवर दोघेजण तोंडाला मास्क लावून आले..जनरल स्टोअर च्या शेजारील वडापावच्या दुकानातील महिलेकडे 15 वडापाव पाहिजे अशी मागणी केली अणि दुचाकी वरील दुसऱ्याने मात्र दुचाकी सज्ज ठेवली
आणि एकाने त्यानंतर शेजारील जनरल स्टोअर मधील महिलेच्या दुकानात वस्तू विकत घेण्याच्या बहाण्याने चक्क गळ्यातील साडे तीन तोळ्यांचे मंगळसूत्र दुकानातून ओढून नेले हा सर्व प्रकार त्या महिलेच्या 2 ते 3 वर्षांच्या चिमुकल्या मुलीच्या डोळ्यादेखत घडल्याने ती महिला आणि तिची लहान मुलगी सुद्धा अचानक झालेल्या अनपेक्षित प्रकाराने पूर्णपणे भेदरून गेल्या होत्या घटनेनंतर अक्षरशः वेड लागल्यागत दोघींनी टाहो फोडला होता याबाबत शिर्डी पोलिसात त्यांनी तक्रार देखील दाखल केली असून शिर्डी पोलिसात गुन्हा रजिस्टर नंबर 0329/2024 नुसार भारतीय दंड संहिता 1860चे कलम 394,34 प्रमाणे गुन्हा दाखल करण्यात आला आहे
त्यानंतर पुन्हा आज सकाळी सकाळी सहा ते साडे सहाच्या सुमारास हॉटेल साईश शेजारील रस्त्यावरून महिला भाविक साई दर्शनाला जात असताना मोटासायकलवर मास्क लावून आलेल्या दोघा चोरट्यांनी तिच्या गळ्यातील दोन ते अडीच तोळे वजनाची सोनसाखळी ओढून नेली यावेळी महिलेच्या गळ्याला चोरट्यांच्या हाताची नखे सुद्धा ओरबाडली गेली आहेत सदर चोरटे अंधुकपणे सीसीटीव्ही कॅमेऱ्यात कैद झाले असून पोलिसांनी आजूबाजूच्या सीसीटीव्ही फुटेज तपासत चोरट्यांचा शोध घेण्याचा प्रयत्न सुरू केला आहे
मात्र सततच्या घटनांनी भाविकांच्या आणि नागरिकांच्या मनात असुरक्षिततेची भावना निर्माण झाली असून शिर्डी पोलिसांनी कठोर कारवाई करत या चोरट्यांना जेरबंद करणे गरजेचे असून सामान्य नागरिकांचा पोलिसांवरील रोष वाढत असल्याचे दिसून येत आहे तसेच शिर्डीतील नेतेमंडळींनी सुद्धा आता याबाबत गंभीर पाऊले उचलणे गरजेचे आहे
आणि स्थानिक लोकप्रतिनिधींना याबाबत माहिती देत सत्य परिस्थिती बाबत अवगत करणे अत्यंत गरजेचे झाले आहे आणि शिर्डीची बदनामी करणाऱ्या या घटनांचा कायमस्वरूपी बंदोबस्त करण्याची मागणी नागरिकांमधून होत आहे
