राष्ट्रवादी शरद पवार गटाचे नितेश कराळे सर यांनी शिर्डीत साई दरबारी येत साई समाधीचे मनोभावे दर्शन घेतले

वर्धा येथील कराळे मास्तर आणि आपल्या अनोख्या भाषाशैली आधी विद्यार्थ्यांना शिक्षणाचे आणि आता राजकीय लोकांना राजकारणाचे धडे देणारे तसेच अवघ्या महाराष्ट्राभर नुकत्याच सुरू असलेल्या लोकसभा निवडणुकीत पंतप्रधान मोदी आणि गृहमंत्री अमित शहा यांच्यावर थेट शाब्दिक हल्ला चढवत प्रसंगी पोट धरून हसविनारे राष्ट्रवादी शरद पवार गटाचे नितेश कराळे सर यांनी आज शिर्डीत साई दरबारी येत साई समाधीचे मनोभावे दर्शन घेतले

नाशिक जिल्ह्यातील वणी येथे दिंडोरी लोकसभा मतदार संघातील महाविकास आघाडीच्या उमेदवाराच्या प्रचारार्थ सभा असल्याने सभा स्थळी जात असताना शिर्डीत साईबाबांचे मनोभावे दर्शन घेत राज्यासह देशातील जनतेचे संकट दूर होऊदे आणि सर्वांना सुखी समाधानी ठेव अशी प्रार्थना बाबांकडे कराळे सरांनी केलीय.

तत्पूर्वी दुपारची मध्यांन आरती सुरु असल्याने अंगी साधेपणा असलेल्या कराळे मास्तरांनी थेट मुख दर्शन समोरील जमिनीवर बसत साईबाबांची आरती केली व आरती नंतर दर्शन घेत त्यानंतर सभास्थळी रवाना झाले.यावेळी त्यांच्या समवेत त्यांचे सहकारी व प्रहारचे शिर्डी शहरप्रमुख अमोल बनाईत,शिर्डी शहर काँग्रेसचे चंद्रभान पवार उपस्थित होते.

यावेळी बोलतांना कराळे सर म्हणाले की राज्यासह देशात मोठी मोदी विरोधी लाट आली असून नगर दक्षिणेत देखील 40 ते 50 हजार मतांनी निलेश लंके निवडून येतील आणि शिर्डीत देखील महाविकास आघाडीचाच उमेदवार निवडून येईल त्याचबरोबर आज शिर्डीत म्हणजेच फकिराच्या नगरीत आलो आहे मात्र “त्या फकिराने देश लुटला आणि ह्या फकिराने जनसामान्यांची सेवा केली” हा दोन्ही फकिरांमध्ये फरक असल्याची मिश्किल टीका केलीय