शिर्डी ( प्रतिनिधी) शिर्डी नजीक सावळीविहीर येथे नवी दिल्ली येथील प्रकृती मंथन या योग व प्राकृतिक चिकित्सा उपचार आणि प्रशिक्षण केंद्राच्या वतीने मोफत वैद्यकीय सेवा शिबिराचे आयोजन करण्यात आले होते. यावेळी नवी दिल्ली येथून आलेल्या योगाचार्य डॉक्टर मंजू यांनी विविध प्रकारच्या रुग्णांवर विना औषध मोफत उपचार केले.
मागील वर्षीही सावळीविहीर बुद्रुक येथील श्री हनुमान मंदिरात सात दिवस हे शिबीर आयोजित करण्यात आले होते. अनेक रुग्णांना या शिबिराचा त्यावेळीही लाभ झाला .त्यामुळे या वर्षीही रुग्णांनी या शिबिरात मोठ्या संख्येने सहभाग घेतला. तीन दिवसीय शिबिरात अनेक रुग्णांनी सहभाग घेऊन उपचार केले. गुडघा, कंबर, पाय, दुखणे .
अनिद्रा, फेटी लिव्हर , शुगर ,बीपी, आदी आजारावर त्यांनी विशेष मार्गदर्शन करत घरगुती उपचार करत तसेच योगा विषयी माहिती दिली. त्याचप्रमाणे प्रत्यक्षात काही रुग्णांवर उपचारही केले. विशेषतः या शिबिरात योगाचे महत्व त्यांनी पटवून दिले. शिर्डी नजीक असणाऱ्या सावळीविहीर बु.येथे या शिबिराला चांगला प्रतिसाद नागरिकांनी दिला
सर्वांनी ग्रामस्थांनी चांगले सहकार्य केले. त्याबद्दल डॉक्टर मंजू यांनी सर्वांचे धन्यवाद मानले. मागील वर्षी शिबिरात सहभाग घेतलेल्या रुग्णांना मोठ्या प्रमाणात फरक पडलेला असल्यामुळे यावेळी अनेक रुग्ण डॉक्टर मंजू यांना प्रत्यक्ष भेटून धन्यवाद देताना दिसत होते.
प्रकृती मंथन ही रजिस्ट्रेशन व सेवाभावी संस्था असून या संस्थेच्या डॉक्टर मंजू ह्या वर्षातून शिर्डीला येतात व सावळीविहीर बु. येथे श्री हनुमान मंदिराच्या सभा मंडपात मोफत वैद्यकीय सेवा शिबिर आयोजित करतात. त्यांचे हे सेवाभावी कार्य पाहून अनेकांनी त्यांचे कौतुक केले.
सावळीविहीर ग्रामस्थांच्या वतीने त्यांचे आभार मानण्यात आले. तीन दिवसीय या शिबिराचा समारोप नुकताच श्री हनुमान मंदिरात संपन्न झाला. यावेळी सौ. सुनीता गोकुळ जपे, बेबीताई सोनवणे, रवींद्र कापसे, सौ सुमन ताई जाधव, बाबा गायकवाड, आदी उपस्थित होते.
