श्री साईबाबांवर देश विदेशातील लाखो भक्तांची श्रद्धा आहे. याच श्रद्धेपोटी भाविक साईबाबांच्या झोळीत भरभरून दान देत असतात. आज दिनांक २० मार्च २०२५ रोजी पुणे येथील रहिवाशी साईभक्त सौ शितल राजेंद्र गारुडकर व श्री राजेंद्र मुरलीधर गारुडकर यांनी
श्री साईचरणी ५५.७०० ग्रॅम वजनाचा आकर्षक नक्षीकाम असलेला सोन्याचा हार अर्पण केला याची किंमत ०४ लाख ५१ हजार ८९४ रुपये असून हा सुंदर नक्षिकाम असलेला हार साईबाबांच्या चरणी अर्पण करुन श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांच्याकडे सुपुर्द करण्यात आला.
त्यानंतर श्री साईबाबा संस्थानच्या वतीने संस्थानचे मुख्य कार्यकारी अधिकारी गोरक्ष गाडीलकर यांनी देणगीदार साईभक्तांचा शाल व श्री साईबाबांची मुर्ती देवून सत्कार केला. यावेळी उपमुख्यकार्यकारी अधिकारी भिमराज दराडे, मुख्यलेखाधिकारी मंगला वराडे, प्रशासकिय अधिकारी संदिपकुमार भोसले, प्रज्ञा महांडुळे-सिनारे, जनसंपर्क अधिकारी तुषार शेळके व मंदिरप्रमुख विष्णु थोरात आदी उपस्थित होते.
