🚗 साई भक्तांवर काळाचा घाला! चालकाचे नियंत्रण सुटलं — तीन जणांचा मृत्यू-चार जखमी 😢

शिर्डी प्रतिनिधी / नाशिक
सुरतहून शिर्डीकडे दर्शनासाठी निघालेल्या साई भक्तांवर काळानं घाला घातला आहे.
नाशिक ते छत्रपती संभाजीनगर राज्य मार्गावर भीषण अपघातात तीन साई भक्तांचा जागीच मृत्यू झाला असून चार भक्त गंभीर जखमी झाले आहेत. ही दुर्दैवी घटना येवला तालुक्यातील एरंडगाव – रायते शिवारात घडली आहे.

---

💥 फॉर्च्युनर गाडीने घेतल्या तीन पलट्या — मृत्यूचा थरारक दृश्य!

मिळालेल्या माहितीनुसार, सुरत येथील साईभक्तांची फॉर्च्युनर कार शिर्डीकडे निघाली असताना चालकाचे गाडीवरील नियंत्रण सुटले.
गाडीने अचानक तीन पलट्या घेतल्या, आणि काही क्षणातच भीषण अपघात घडला.
या अपघातात तीन साई भक्तांचा मृत्यू झाला असून चार जण गंभीर जखमी झाले आहेत. जखमींना तत्काळ नाशिक येथील रुग्णालयात उपचारासाठी दाखल करण्यात आले आहे.

---

🕊️ तीन साईभक्तांचा मृत्यू — भक्तांमध्ये शोककळा

या अपघातात मृत्यूमुखी पडलेले सर्व भक्त हे सुरत (गुजरात) येथील रहिवासी असल्याचे समोर आले आहे.
साईबाबांच्या दर्शनासाठी निघालेल्या भक्तांवर असा काळाचा घाला कोसळल्याने शिर्डी आणि परिसरात हळहळ व्यक्त केली जात आहे.
घटनेची नोंद येवला पोलिस ठाण्यात करण्यात आली असून पोलिसांनी अपघातस्थळी भेट देऊन पुढील तपास सुरू केला आहे.

---

🕯️ दैनिक साई दर्शन परिवाराकडून भावपूर्ण श्रद्धांजली 🙏

साईभक्तांच्या या दुर्दैवी निधनामुळे साईनगर आणि संपूर्ण साईभक्त समुदायात शोककळा पसरली आहे.
“दैनिक साई दर्शन परिवार” तर्फे या अपघातात मृत्यूमुखी पडलेल्या तीन साईभक्तांना भावपूर्ण श्रद्धांजली अर्पण करण्यात येत असून, जखमी भक्तांच्या लवकर बरे होण्यासाठी प्रार्थना व्यक्त करण्यात आली आहे.