बहुचर्चित भोंदू अशोक खरातचा जवळचा सहकारी म्हणून ओळख असलेला दीपक लोंढे आता थेट पोलिसांच्या रडारवर आला आहे. 17 एप्रिल रोजी शिर्डी पोलीस ठाण्यात वरिष्ठ अधिकाऱ्यांच्या उपस्थितीत त्याची कसून चौकशी झाली. पतसंस्थेतील कोट्यवधींच्या व्यवहारांमध्ये त्याच्या व पत्नीच्या नावावर असलेल्या खात्यांची भूमिका काय, याचा सखोल तपास सुरू असून प्रकरण दिवसेंदिवस गंभीर होत चाललं आहे.
💣 खात्यांतून कोट्यवधींची उलाढाल; “माझा संबंध नाही” म्हणत लोंढेचा पलायनवाद!
लोंढेचा दावा – “मी पोलिसांना सहकार्य करतोय, पण या खात्यांशी माझा फारसा संबंध नाही.” मात्र वास्तव वेगळंच चित्र दाखवतंय. त्याच्या नावावरील खात्यांतून कोट्यवधी रुपयांची उलाढाल झाल्याची माहिती समोर आली असून धुळे-जळगाव भागातील पत्त्यांवर ही खाती उघडण्यात आल्याचा धक्कादायक खुलासा झाला आहे. हा सगळा व्यवहार नेमका कोणासाठी आणि कसा चालत होता? हा प्रश्न आता अधिकच गडद झाला आहे.
⚠️ 9वी शिक्षण, इंग्रजीही येत नाही – तरीही कोट्यवधींचा आर्थिक खेळ?
लोंढे केवळ 9वीपर्यंत शिकलेला, इंग्रजी वाचता येत नसल्याचं समोर आलं आहे. मग एवढ्या मोठ्या आर्थिक व्यवहारांची साखळी त्याच्यापर्यंत कशी पोहोचली? की तो फक्त “फ्रंट” होता? या शक्यतेवरही पोलीस तपास करत असल्याची चर्चा आहे.
🕵️♂️ “मोठ्या लोकांशी संबंध” – ढाल की दबावाचं हत्यार?
“माझी राजकारणातील चौथी पिढी आहे, मोठ्या लोकांशी ओळख आहे म्हणून मला टार्गेट केलं जात आहे,” असा लोंढेचा दावा आहे. पण सूत्रांच्या माहितीनुसार, चौकशीत त्याने काही महत्त्वाचे धागेदोरे दिले असून तपास यंत्रणा आता त्या आधारावर मोठ्या माशांकडे पोहोचण्याच्या तयारीत आहे.
🔥 भोंदू खरात कनेक्शन पुन्हा चर्चेत – पैशांचा प्रवाह कुठे?
अशोक खरात प्रकरणाशी असलेली लोंढेची जवळीक पुन्हा एकदा चर्चेत आली आहे. पतसंस्थेतील व्यवहार, संशयास्पद खाती आणि कोट्यवधींची उलाढाल – या सगळ्यामागे मोठं रॅकेट तर नाही ना? असा सवाल उपस्थित होतोय.
😡 नागरिकांचा संताप – “मोठ्यांना वाचवण्यासाठी प्यादं वापरलं जातंय का?”
या संपूर्ण प्रकरणामुळे नागरिकांमध्ये संताप वाढत असून, “फक्त लोंढेवर कारवाई करून मोठ्यांना वाचवलं जाणार का?” असा प्रश्न विचारला जातोय. पारदर्शक आणि निष्पक्ष चौकशीची मागणी जोर धरतेय.
🛑 पुढील चौकशी निर्णायक – ‘मी नाही त्यातला’ की ‘मीच सगळ्यातला’?
शिर्डी पोलिसांकडून लोंढेची आणखी सखोल चौकशी होणार असल्याचं समजतं. “मी नाही त्यातला, कडी लावा आतली” म्हणणाऱ्या लोंढेंच्या भूमिकेचा फुगा फुटणार का? की या प्रकरणातून आणखी मोठे चेहरे समोर येणार?
👉 पुढील काही दिवसांत या घोटाळ्याचा खरा चेहरा उघड होण्याची शक्यता प्रबळ!
