श्रीमती तारादेवी फाउंडेशन, सरकार ग्रुपचे संचालक आकाश गुप्‍ता, मुंबई यांनी श्री साईबाबा संस्‍थानचे श्री साईनाथ रुग्‍णालयाकरीता २३ लाख ५० हजार रुपये किमतीचे २ अद्ययावत डायलेसिस मशिन बेडसह देणगी स्‍वरुपात दिले असल्‍याबाबत श्री साईबाबा संस्‍थानचे मुख्‍य कार्यकारी अधिकारी गोरक्ष गाडीलकर यांनी सांगीतले.
आज या दोन्‍ही मशीन श्री साईनाथ रुग्णालयात बसविण्‍यात आल्‍यानंतर यांची संस्‍थानचे मुख्‍य कार्यकारी अधिकारी गोरक्ष गाडीलकर व देणगीदार साईभक्त आकाश गुप्‍ता यांचे हस्‍ते विधीवत पुजा करण्‍यात आली,
यावेळी श्री साईबाबा संस्‍थानचे उप मुख्‍य कार्यकारी अधिकारी तुकाराम हुलवळे, श्री साईनाथ रुग्‍णालयाचे उप वैद्यकिय संचालक डॉ. प्रितम वडगावे, जनसंपर्क अधिकारी तुषार शेळके, साईनाथ रुग्‍णालयाच्‍या सहाय्यक अधिसेविका नजमा सय्यद, बायोमेडीकल विभागाचे इंजिनिअर राजेश वाकडे, तुषार कुटे, प्रणाली कांबळे व स्‍टोअर किपर सुनिल निकम आदी उपस्थित होते.
