शिर्डी, दि. — :-
श्री साईबाबा संस्थान विश्वस्त व्यवस्था संचालित श्री साईबाबा महाविद्यालय, शिर्डी येथे दिनांक ८ जानेवारी ते १५ जानेवारी २०२६ या कालावधीत “वाचन संकल्प महाराष्ट्राचा” या राज्यस्तरीय उपक्रमाचे यशस्वी आयोजन करण्यात आले.
या उपक्रमाचे उद्घाटन श्री साईबाबा संस्थानचे मुख्य कार्यकारी अधिकारी श्री गोरक्ष गाडीलकर, भा.प्र.से., उपमुख्य कार्यकारी अधिकारी श्री भिमराज दराडे, प्र.प्रशासकीय अधिकारी श्री अतुल वाघ यांच्या मार्गदर्शनाखाली महाविद्यालयाचे प्राचार्य डॉ. संतोष औताडे यांच्या प्रमुख उपस्थितीत ग्रंथ प्रदर्शनाद्वारे करण्यात आले.
ग्रंथ प्रदर्शनाचा मुख्य उद्देश विद्यार्थ्यांमध्ये वाचनाची आवड निर्माण करणे, ज्ञानवृद्धीसाठी प्रेरणा देणे आणि विविध विषयांवरील माहितीपर परिचय करून देणे हा होता. प्रदर्शनात श्री साईसच्चरित, शैक्षणिक, ऐतिहासिक, वैज्ञानिक, तंत्रज्ञान, कला, संगणक शास्त्र तसेच स्पर्धा परीक्षांसाठी उपयुक्त ग्रंथ मोठ्या प्रमाणावर ठेवण्यात आले होते.
या उपक्रमात ग्रंथ भेट कार्यक्रम, सामूहिक वाचन, घोषवाक्य स्पर्धा, लेखक–वाचक संवाद, वाचन जागरूकता रॅली, पुस्तक परीक्षण स्पर्धा (लेखन व सादरीकरण) अशा विविध उपक्रमांचे आयोजन करण्यात आले. विद्यार्थ्यांचा या सर्व कार्यक्रमांमध्ये उत्स्फूर्त सहभाग दिसून आला आणि कार्यक्रम यशस्वी ठरला.
यशस्वी आयोजनासाठी महाविद्यालयाचे सर्व सहकारी प्राध्यापक व शिक्षकेतर कर्मचारी यांनी मोलाचे सहकार्य केले, ज्यामुळे विद्यार्थ्यांना वाचनाच्या प्रति उत्कटता निर्माण झाली आणि उपक्रमाची खरी उद्दिष्ट साध्य झाली.
