साई मंदिर हॉलमध्ये धक्कादायक प्रकार साईबाबांच्या दर्शनासाठी आलेल्या भाविकांनाच आता चोरट्यांनी लक्ष्य केल्याचे धक्कादायक वास्तव समोर आले आहे. शिर्डीतील साईबाबा मंदिर हॉलमध्ये भर गर्दीत अज्ञात चोरट्याने सफाईदार हात मारत मोठी चोरी केली. 26 मार्च 2026 रोजी सकाळी 11 वाजता ही घटना घडली असून, मंदिर परिसरातील सुरक्षेवरच प्रश्नचिन्ह निर्माण झाले आहे.
💰 क्षणात गायब झाले सोन्याचे दागिने जळगाव येथील शिक्षिका स्मृती दीपक (वय 46) यांच्या गळ्यातील तब्बल 85 हजार रुपये किंमतीचे मंगळसूत्र आणि 40 हजार रुपये किंमतीची 10 ग्रॅम सोन्याची चैन असा एकूण 1 लाख 25 हजारांचा ऐवज चोरट्याने गर्दीचा फायदा घेत क्षणात लंपास केला. “दर्शन घेत असताना काय झाले कळलेच नाही” अशी हतबल प्रतिक्रिया फिर्यादीने दिली.”
⚖️ BNS 303(2) अंतर्गत गुन्हा; तरीही चोरटा मोकाट या प्रकरणी शिर्डी पोलीस ठाण्यात भारतीय न्याय संहिता 2023 च्या कलम 303(2) अंतर्गत गुन्हा दाखल करण्यात आला आहे. मात्र, घटना घडून अनेक दिवस उलटूनही आरोपीचा थांगपत्ता लागलेला नसल्याने पोलिसांच्या कार्यक्षमतेवर प्रश्न उपस्थित होत आहेत.
👮♂️ CCTV वर भरवसा; पण सुरक्षा कुठे? पोलीस निरीक्षक गलांडे यांच्या मार्गदर्शनाखाली तपास सुरू असून सीसीटीव्ही फुटेज तपासले जात आहे. मात्र, एवढ्या मोठ्या धार्मिक स्थळी अशी घटना घडणे म्हणजे सुरक्षा व्यवस्थेचे अपयश असल्याची चर्चा भाविकांमध्ये रंगू लागली आहे.
⚠️ भाविकांनो सावध राहा! रामनवमी उत्सवाच्या पार्श्वभूमीवर शिर्डीत मोठी गर्दी होत असताना अशा घटना वाढण्याची शक्यता नाकारता येत नाही. त्यामुळे दागिने व मौल्यवान वस्तू सांभाळून ठेवण्याचे आवाहन पोलिसांनी केले असले, तरी “मंदिरातही सुरक्षित नाही का?” असा संतप्त सवाल भाविक विचारत आहेत.
