गणेश गॅस एजन्सीचे संस्थापक बबनराव भुसारी पाटील यांची ज्ञानेश्वर कारखान्याच्या संचालकपदी निवड

स्वर्गीय लोकनेते मारुतराव घुले तसेच माजी आमदार पांडुरंग अभंग यांच्या मार्गदर्शनाखाली बबनराव भुसारी यांनी सहकार क्षेत्रात उल्लेखनीय कार्य केले आहे. सहकार क्षेत्रातील त्यांचा प्रदीर्घ अनुभव, शेतकरी हितासाठी असलेली तळमळ, नेवासा व शेवगाव तालुक्यातील शेतकऱ्यांशी सातत्यपूर्ण असलेला संपर्क आणि विविध सामाजिक उपक्रमांमधील सक्रिय सहभाग यामुळे त्यांची ही निवड अत्यंत महत्त्वपूर्ण मानली जात आहे.
यापूर्वीही त्यांनी ज्ञानेश्वर सहकारी साखर कारखान्याच्या संचालक म्हणून जबाबदारी यशस्वीपणे पार पाडली आहे. त्यामुळे त्यांच्या बिनविरोध निवडीमुळे सभासद, शेतकरी व सहकार क्षेत्रातील पदाधिकाऱ्यांनी त्यांच्या कार्यशैलीवर दाखविलेला विश्वास पुन्हा अधोरेखित झाला आहे.

उद्योग, सहकार आणि सामाजिक क्षेत्रातील त्यांच्या उल्लेखनीय योगदानामुळे कारखान्याच्या विकासाला नव्या गतीची दिशा मिळेल, असा विश्वास अनेकांनी व्यक्त केला आहे.
यावेळी बोलताना बबनराव भुसारी म्हणाले, “घुले परिवाराने माझ्यावर दाखविलेल्या विश्वासामुळे मोठे समाधान वाटत आहे. यापुढील काळातही शेतकरी, सभासद आणि पक्षसंघटना अधिक सक्षम करण्यासाठी प्रामाणिकपणे कार्य करत राहणार आहे.”
त्यांच्या या निवडीबद्दल राजकीय, सामाजिक, शैक्षणिक, व्यापारी तसेच सहकार क्षेत्रातील विविध मान्यवरांनी त्यांचे अभिनंदन करून शुभेच्छांचा वर्षाव केला आहे.

“सहकार क्षेत्रातील दीर्घ अनुभव, शेतकरी हिताची तळमळ आणि समाजकार्याची अखंड परंपरा यामुळे बबनराव भुसारी यांची संचालकपदी झालेली बिनविरोध निवड ही ज्ञानेश्वर कारखान्यासाठी विकासाची नवी संधी मानली जात आहे.”

अनुभवी नेतृत्वाला पुन्हा संधी
ज्ञानेश्वर सहकारी साखर कारखान्याच्या संचालकपदी बबन भुसारी (काका) यांची बिनविरोध निवड ही सहकार क्षेत्रासाठी महत्त्वाची मानली जात आहे. यापूर्वीही त्यांनी संचालक म्हणून यशस्वीपणे काम पाहिले असून, सहकार क्षेत्राचा त्यांना दांडगा अनुभव आहे. शेतकरी, सभासद आणि सहकार क्षेत्रातील प्रश्नांची सखोल जाण असलेल्या भुसारी यांच्या निवडीमुळे कारखान्याच्या विकासाला नवी दिशा मिळेल, असा विश्वास व्यक्त केला जात आहे. त्यांच्या बिनविरोध निवडीमुळे शिर्डी व नेवासे परिसरात आनंदाचे वातावरण निर्माण झाले असून, विविध स्तरातून त्यांच्यावर अभिनंदनाचा वर्षाव होत आहे.