शिर्डीत पुन्हा एकदा गुन्हेगारीने डोके वर काढले असून मध्यरात्रीच्या सुमारास सार्वजनिक ठिकाणी चाकूसारखे घातक शस्त्र घेऊन दहशत माजवणाऱ्या दोन जणांविरोधात शिर्डी पोलिसांनी कडक गुन्हा दाखल केला आहे. या प्रकारामुळे शहरातील कायदा-सुव्यवस्थेवर प्रश्नचिन्ह निर्माण झाले आहे.
दि. 21 मार्च 2026 रोजी रात्री 11 वाजता साईश कॉर्नर परिसरात आरोपी निहाल हमराज काद्री (रा. बायजाबाईनगर) हा हातात धारदार चाकू घेऊन नागरिकांमध्ये भीतीचे वातावरण निर्माण करताना रंगेहाथ सापडला. या घटनेत संतोष ऊर्फ गोट्या जनार्धन पाटोळे (रा. वाघवस्ती) याने त्याला शस्त्र पुरवल्याचे उघड झाले आहे.
याप्रकरणी पोका/2479 गौरव वसंत राऊत यांच्या फिर्यादीवरून भारतीय शस्त्र अधिनियम 1959 च्या कलम 4/25 अन्वये गुन्हा रजिस्टर क्र. 195/2026 दाखल करण्यात आला आहे. गुन्हा दि. 22 मार्च रोजी पहाटे 00:43 वाजता नोंदविण्यात आला.
⚡ पोलिसांची तत्काळ एंट्री – वरिष्ठ अधिकारी घटनास्थळी घटनेची माहिती मिळताच पोलीस निरीक्षक रणजित गलांडे व सहाय्यक पोलीस निरीक्षक भारत बल्लैया यांनी तात्काळ घटनास्थळी धाव घेतली. पोलिसांच्या या जलद कारवाईमुळे मोठा अनर्थ टळल्याची चर्चा आहे.
❗ शस्त्रासह दहशत – नागरिकांमध्ये भीतीचं सावट सार्वजनिक ठिकाणी अशा प्रकारे शस्त्र बाळगून उघडपणे दहशत माजवण्याच्या प्रकारामुळे शिर्डीकरांमध्ये प्रचंड भीती निर्माण झाली आहे. रात्रीच्या वेळी शहर सुरक्षित आहे का? असा सवाल नागरिकांकडून उपस्थित होत आहे.
🔥 आरोपी मोकाट; पोलिसांवर दबाव वाढला गंभीर बाब म्हणजे गुन्हा दाखल होऊनही अद्याप आरोपींना अटक झालेली नाही. त्यामुळे पोलिसांवर तात्काळ कारवाईचा दबाव वाढला आहे.
👉 पुढील तपास सुरू या प्रकरणाचा तपास पोना/2270 पंकज गोसावी करत असून आरोपींना लवकरच अटक करण्यासाठी पोलीस पथके सज्ज झाली आहेत.
⚠️ कायदा मोडणाऱ्यांना इशारा शिर्डीत कायदा हातात घेणाऱ्यांना कोणतीही सवलत दिली जाणार नाही, असा स्पष्ट इशारा पोलिस प्रशासनाने दिला आहे. शहरात गुन्हेगारीवर आळा घालण्यासाठी विशेष मोहीम राबविण्यात येत असल्याची माहितीही मिळत आहे.
