राहाता शहरातील प्रभाग 5(ब) मध्ये राजकीय तापमान चांगलंच वाढलं आहे. जेष्ठ नेते बापूजी पुरोहित व युवक नेते वीराट पुरोहित यांच्या मार्गदर्शनाखाली लोक क्रांती सेना मंडळाच्या अधिकृत उमेदवार म्हणून फायरब्रँड सौं. मीराताई कृष्णा साना यांनी आज भव्य जल्लोषात आपला उमेदवारी अर्ज दाखल केला.
उमेदवारी अर्ज दाखल होताच प्रभागात मोठीच खळबळ माजली आहे. मीराताईंची निवड निश्चित झाल्यापासून अनेकांच्या भुवया उंचावल्या असून प्रभागातील चर्चांना अक्षरशः उधाण आलं आहे. कारण—मीराताई या नेहमीच पदापेक्षा कामाला प्राधान्य देणाऱ्या, कोणत्याही पदावर नसताना सातत्याने सामाजिक, शैक्षणिक आणि जनहिताच्या प्रश्नांसाठी लढणाऱ्या कार्यकर्त्या म्हणून ओळखल्या जातात.
मीराताई म्हणाल्या,
“आजपर्यंत कोणतेही पद नसतानाही मी फक्त लोकांसाठी काम केले. माझ्या प्रभागातील जनतेने मला उभे राहण्याची विनंती केली, म्हणून मी आज उमेदवारी भरली आहे. लोकांचा विश्वास, बापूजी पुरोहित व वीराट पुरोहित यांचे मार्गदर्शन… ह्या शक्तीवर माझा विजय निश्चित आहे.”
निवडणूक विभागात अर्ज दाखल करताना कार्यकर्त्यांची भव्य उपस्थिती, महिलांचा उत्स्फूर्त प्रतिसाद आणि तरुणांचा जोश—यामुळे संपूर्ण वातावरण घोषणांनी दुमदुमून गेले. प्रभाग 5(ब) मध्ये मीराताईंचा प्रवेश हा “फायरब्रँड शैलीतला धडाकेबाज राजकीय आगाज” मानला जात आहे.
प्रभागातील पाणी, रस्ते, साफसफाई, प्रकाशयोजना, महिलांची सुरक्षा, आणि ज्येष्ठ नागरिकांच्या अडचणी—हे सर्व प्रश्न मागील अनेक वर्षांपासून प्रलंबित आहेत. ह्या प्रश्नांवर काम करण्याची संधी मला द्या, असे आवाहनही मीराताईंनी यावेळी मतदारांना केले.
आगामी आठवड्यांत मीराताईंची प्रचारयात्रा जोरात सुरू होणार आहे. त्यांच्या उमेदवारीमुळे प्रभाग 5(ब) मधील लढत अधिकच रंगतदार होणार यात शंका नाही.
फायरब्रँड मीराताईंचा दम—
प्रभाग 5(ब) मध्ये ‘लोक क्रांती सेना’ चा झेंडा नक्की फडकणार!
