शिर्डी प्रतिनिधी | साईदर्शन न्यूज (SD News)
साईबाबांच्या पवित्र नगरी शिर्डीत पुन्हा एकदा गुटखा माफियांचा बाजार मांडला गेला आहे!
कायदा, बंदी आणि प्रशासन यांचा पूर्णपणे धाबा दुमडून काही असामाजिक प्रवृत्तीचे लोक खुलेआम गुटखा, तंबाखू, सुगंधित मसाला यांची विक्री करत आहेत.
🚨 एकेकाळी कारवाई झाली… आता पुन्हा तोच बाजार सुरू!
काही महिन्यांपूर्वी शिर्डी पोलिसांनी आशिष खाबिया या गुटखा तस्करावर छापा टाकून लाखो रुपयांचा गुटखा जप्त केला होता.
त्या वेळी नाशिक परीक्षेत्राचे मा. आय.जी. साहेब यांच्या आदेशानुसार शिर्डी पोलिसांनी उल्लेखनीय कारवाई केली होती.
परंतु काही दिवस शांततेनंतर पुन्हा ८ ते १० गुटखा विक्रेते होलसेल धंदा उघडपणे सुरू केल्याची माहिती समोर आली आहे.
या धंद्यात मोठे आर्थिक व्यवहार होत असून, नागरिकांच्या आरोग्यावर त्याचा थेट परिणाम होत आहे.
💢 साईंच्या नगरीत गुटखा विक्री — श्रद्धेचा अपमान!
शिर्डी ही साईबाबांची भूमी, लाखो भाविकांचे श्रद्धास्थान.
अशा पवित्र ठिकाणी गुटखा विक्री सुरू असणे ही केवळ कायद्याची पायमल्ली नसून साईबाबांच्या संस्कारांचा अपमान आहे.
“साईंच्या नगरीत गुटखा विक्री म्हणजे भक्तीच्या भूमीवर कलंक आहे. प्रशासनाने डोळेझाक थांबवून आता जबाबदारीने पावलं उचलावीत,”
असे स्थानिक नागरिकांचे मत आहे.
⚖️ प्रशासनाला खुलं आव्हान — “गुटखा माफियांना आवरा!”
नागरिकांनी पोलीस अधीक्षक सोमनाथ घार्गे साहेब व
अन्न व औषध प्रशासन विभागाच्या अधिकाऱ्यांना लेखी निवेदन सादर करून संयुक्त कारवाईची मागणी केली आहे.
“साईंच्या नगरीचे पावित्र्य राखण्यासाठी पोलीस आणि FDA विभागाने संयुक्त मोहीम राबवून गुटखा तस्करांवर कठोर कारवाई करावी,”
अशी मागणी निवेदनात करण्यात आली आहे.
🧭 “स्थानिक गुन्हे अन्वेषण शाखेचे निरीक्षक किरणकुमार काबडी लक्ष देतील का?”
संपूर्ण जिल्ह्यात कारवाईचा धडाका लावणारे
स्थानिक गुन्हे अन्वेषण शाखेचे निरीक्षक किरणकुमार काबडी यांनी अनेक ठिकाणी अवैध धंद्यांवर गंडांतर आणले आहे.
आता नागरिकांचा थेट सवाल आहे —
“काबडी साहेबांनी जिल्हाभर गुटखा तस्करांना धडा शिकवला…
मग शिर्डीतील गुटखा माफियांना रोखण्यासाठीही तसाच कठोर पाऊल उचलतील का?”
ग्रामस्थ आणि साईभक्तांकडून याबाबत तीव्र अपेक्षा व्यक्त केली जात आहे.
⚠️ नागरिकांचा इशारा — गुटखा माफियांना आश्रय देणाऱ्यांवरही कारवाई करा!
स्थानिक नागरिकांनी स्पष्ट इशारा दिला आहे की,
“गुटखा विक्रेत्यांनाच नाही तर त्यांना पाठबळ देणाऱ्या दुकानमालकांवर, पुरवठादारांवर आणि संबंधित अधिकाऱ्यांवरही कारवाई झाली पाहिजे.
अन्यथा साईभक्त रस्त्यावर उतरतील.”
💥 मुख्य मागण्या
- पोलीस व अन्न व औषध प्रशासन विभागाची संयुक्त मोहीम सुरू करावी.
- शिर्डी शहर व परिसरातील सर्व दुकानांची अचानक तपासणी करावी.
- गुटखा विक्री करणाऱ्यांवर कठोर कारवाई व परवाने रद्द करावेत.
- साईंच्या नगरीचे पावित्र्य राखण्यासाठी सतत गस्ती सुरू ठेवावी.
🙏 “शिर्डीला गुटखा-मुक्त करणे हेच खरी साईसेवा!”
गुटखा विक्रीने तरुण पिढीचं आरोग्य धोक्यात आलं आहे.
आता नागरिक, साईभक्त आणि स्थानिक कार्यकर्त्यांनी प्रशासनाला आवाहन केलं आहे —
“गुटखा-मुक्त शिर्डी घडवा, तेव्हाच साईंचं खरं भक्तिपूर्ण कार्य ठरेल.”
