सर्वोच्च न्यायालयाचे न्यायमूर्ती प्रसन्ना वराळे व त्रिपुरा राज्याचे महामहीम राज्यपाल एन इंद्रसेना रेड्डी यांनी घेतले श्री साईबाबांचे दर्शन!

शिर्डी (प्रतिनिधी) भारताचे सर्वोच्च न्यायालयाचे माननीय न्यायमूर्ती श्री प्रसन्‍ना बी. वराळे दिल्‍ली यांनी बुधवार 25 डिसेंबर रोजी शिर्डीला भेट देऊन
श्री साईबाबांच्‍या समाधीचे दर्शन घेतले.

साईदर्शनानंतर त्‍यांचा श्री साईबाबा संस्‍थानच्‍या वतीने मुख्‍य कार्यकारी अधिकारी बाळासाहेब कोळेकर यांनी सत्‍कार केला. यावेळी श्री साईबाबा संस्‍थानचे अध्‍यक्ष तथा प्रधान जिल्‍हा न्‍यायाधीश अंजु एस. शेंडे उपस्थित होते.

त्याचप्रमाणे त्रिपुरा राज्याचे राज्यपाल माननीय महामहीम श्री एन. इंद्रसेना रेड्डी यांनी सहकुटुंब बुधवारी शिर्डीला भेट दिली.व श्री साईबाबांच्या समाधी मंदिरात जाऊन त्यांनी मनोभावे श्री साईबाबांच्या समाधीचे दर्शन घेतले. साईदर्शनानंतर श्री साईबाबा संस्‍थानचे वतीने मुख्‍य कार्यकारी अधिकारी बाळासाहेब कोळेकर यांनी त्यांचा शाल व श्री साई मुर्ती देवून सत्कार केला.