चंद्रशेखर बावनकुळे यांचे सुपुत्र संकेत बावनकुळे यांच्या गाडीमुळे झालेल्या अपघात प्रकरणी ठाकरे गटाचे खासदार संजय राऊत यांनी गंभीर आरोप केले आहेत.
संकेत आणि त्यांचे मित्र ज्या हॉटेलमध्ये जेवले, त्या बिलात बीफ कटलेटचा समावेश असल्याचा दावा राऊतांनी केला. आम्हाला हिंदुत्व शिकवणाऱ्यांना श्रावण-गणपतीत गोमांस चालतं का?
असा प्रश्न संजय राऊत यांनी विचारला आहे.नागपुरात रस्ते सुरक्षेचा नाही तर बेवडेबाजीचा नियम आहे. अशा प्रकारचा अपघात एखाद्या सामान्य माणसाने केला असता, तर त्याचं काय झालं असतं?
पोलिसांनी त्याला, त्याच्या कुटुंबाला, मित्राला धरुन त्याची धिंड काढली असती. पण इथे सलमान खान सुटतो, एका बिल्डरचा मुलगा सुटतो, संकेत बावनकुळे सुटतो… तो कोणाचाही मुलगा असो,
नियम सर्वांना सारखे आहेत. पण देवेंद्र फडणवीस यांनी कायदा सुव्यवस्थेचे जे धिंडवडे काढले आहेत, त्याची नोंद काळ्याकुट्ट अक्षरात लिहिली जाईल. इतका घटिया गृहमंत्री राज्याला कधी मिळाला नाही, अशी टीका संजय राऊत यांनी केली.
