साई बाबांना विठ्ठल स्वरुप माननाऱ्या वारकऱ्यांनी शिर्डीत दर्शनासाठी अलोट गर्दी केलीय. शिर्डी माझं पंढरपूर ही आरती साई बाबा मंदिरात नित्य निमयमानं म्हटली जाते. त्याचीच प्रचिती आज झालेल्या भाविकांच्या गर्दीनं दिसून येत आहे. साई बाबा संस्थाननंही एकादशीचं महत्व लक्षात घेत, शिर्डीत येणाऱ्या वारकऱ्यांसाठी 7 हजार किलो शाबुदाना खिचडी आणि शेंगदान्याचा झिरकं प्रसाद स्वरुपात बनवण्यात आला.शिर्डीला येणाऱ्या भाविकांना असलेला उपवासाचा दिवस लक्षात घेऊन साई संस्थानच्या प्रसादालयात आज दिवसभर शाबुदान्याची खिचडी आणि झिरकं हेच प्रसाद म्हणून देण्यात येतो. एरवी साई बाबांच्या प्रसादलयात चपाती, दोन भाज्या, वरण भात, स्वीट, असा प्रसाद भाविकांना देण्यात येतो. मात्र महाशिवरात्री आणि आषाढी एकादशीला खास करून भाविकांना उपवास असतो. त्यामुळे साई बाबा संस्थानच्या वतीनं शाबुदाना खिचडी आणि शेंगदाण्याचं झिरकं दिल्या जाते.आज रात्री विठ्ठल रुखमिणीची प्रतिमा ठेऊन साईंच्या रथाची मिरवणूक शिर्डीतून काढण्यात येते. आषाढी एकादशी निमित्तानं कर्नाटक येथील देणगीदार साईभक्‍त एस. प्रकाश यांच्या देणगीतून मंदिर आणि परिसरात फुलांची आकर्षक सजावट करण्‍यात आली. प्रसन्न मनानं भाविक मंदिरात आल्यानंतर फुलांची सजावट मन मोहुन टाकत आहे.
