आंध्र प्रदेश येथील देणगीदार साईभक्त श्री एम. श्रीनिवास राव यांनी दीपावली निमित्त साई संस्थांनला मेडिकल फंडासाठी बारा लाख रुपये देणगीचा दिला डिमांड ड्राफ्ट !
शिर्डी (प्रतिनिधी) शिर्डी येथील श्री साईबाबांच्या दर्शनाला दीपावली निमित्त साई भक्तांची मोठी गर्दी झाली आहे. या दीपावली उत्सवाच्या मुहूर्तावर आंध्र प्रदेश येथील देणगीदार साईभक्त श्री एम. श्रीनिवास राव यांनी श्री साईबाबा संस्थानला मेडिकल फंडासाठी 12 लाख रुपये देणगीचा डीडी साई संस्थानचे उपकार्यकारी अधिकारी तुकाराम हुलवळे यांच्याकडे सुपूर्द केला आहे. त्यानंतर श्री साईबाबा संस्थानच्या वतीने संस्थांनचे उपमुख्य कार्यकारी अधिकारी तुकाराम हुलवळे यांनी देणगीदार साईभक्त एम. श्रीनिवास राव यांचा शाल ,श्री साईंची मूर्ती व श्री साईसतचरित्र ग्रंथ देऊन सत्कार केला. यावेळी संस्थांनचे जनसंपर्क अधिकारी तुषार शेळके ही उपस्थित होते.
देणगीदार एम श्रीनिवास राव हे निस्सिम साईभक्त असून ते शिर्डीला दर्शनासाठी नेहमी येत असतात. दीपावलीनिमित्त ते श्री साई दर्शनाला रविवारी शिर्डीला आले होते. त्यांनी मनोभावे श्री साईबाबांचे दर्शन घेतले.
