शिर्डी | प्रतिनिधी :
कर्करोगाच्या उपचारादरम्यान हाडांची घनता कमी होऊन हाडे ठिसूळ होण्याचा धोका वाढू शकतो. ही बाब लक्षात घेऊन श्री साईबाबा संस्थान विश्वस्त व्यवस्था, शिर्डी यांच्या वतीने कर्करोग रुग्णांसाठी विशेष मोफत हाडांची घनता (Bone Mineral Density – BMD) तपासणी शिबिराचे आयोजन करण्यात आले आहे.
हे विशेष आरोग्य शिबिर शनिवार, दि. १५ ऑगस्ट २०२६ रोजी सकाळी १० ते सायंकाळी ५ वाजेपर्यंत श्री साईनाथ रुग्णालय (२०० रूम), शिर्डी येथे आयोजित करण्यात आले आहे.
कर्करोगावरील उपचारांमध्ये विशेषतः हार्मोनल थेरपी आणि केमोथेरपीमुळे हाडांची घनता कमी होण्याची शक्यता असते. परिणामी हाडे कमकुवत होऊन भविष्यात फ्रॅक्चरचा धोका वाढू शकतो. हा धोका सुरुवातीच्या टप्प्यातच ओळखून आवश्यक उपचार आणि प्रतिबंधात्मक उपाययोजना करता याव्यात, या उद्देशाने या शिबिराचे आयोजन करण्यात आले आहे.
BMD तपासणीसह तज्ज्ञांकडून मार्गदर्शन
शिबिरामध्ये रुग्णांची BMD तपासणी करून हाडांची घनता मोजण्यात येणार आहे. तसेच हाडे ठिसूळ होण्याचा धोका लवकर ओळखणे, आवश्यक उपचाराबाबत सल्ला देणे आणि हाडांचे आरोग्य चांगले राखण्यासाठी प्रतिबंधात्मक मार्गदर्शन करण्यात येणार आहे.
कर्करोगावरील उपचार घेत असलेले तसेच हार्मोनल थेरपी किंवा केमोथेरपी घेत असलेल्या रुग्णांना या शिबिराचा लाभ घेता येणार आहे.
नोंदणी पूर्णपणे मोफत; कागदपत्रे आवश्यक
शिबिरासाठी नोंदणी पूर्णपणे मोफत असून रुग्णांनी नोंदणी करताना आधारकार्ड, लागू असल्यास अपंग प्रमाणपत्र (UID) आणि दोन पासपोर्ट आकाराचे फोटो सोबत आणणे आवश्यक आहे.
शिबिरासाठी जागा मर्यादित असल्याने इच्छुक रुग्णांनी लवकरात लवकर नोंदणी करावी, असे आवाहन करण्यात आले आहे.
कर्करोगाच्या उपचारांसोबतच रुग्णांच्या हाडांच्या आरोग्याकडेही वेळेत लक्ष देणे गरजेचे आहे. त्यामुळे या विशेष मोफत तपासणी शिबिराचा जास्तीत जास्त कर्करोग रुग्णांनी लाभ घ्यावा, असे आवाहन श्री साईबाबा संस्थान विश्वस्त व्यवस्थेचे मुख्य कार्यकारी अधिकारी गोरक्ष गाडीलकर (भा.प्र.से.) यांच्या वतीने करण्यात आले आहे.
नोंदणी व अधिक माहितीसाठी संपर्क : ०२४२३-२५८५५५
स्थळ : श्री साईनाथ रुग्णालय (२०० रूम), शिर्डीदिनांक : शनिवार, १५ ऑगस्ट २०२६वेळ : सकाळी १० ते सायंकाळी ५
