शिर्डी | प्रतिनिधी
शिर्डीच्या साईबाबांच्या अनंत कृपेने रांजणगाव देशमुख (ता. कोपरगाव) येथील श्री साई विसावा मंदिराचा चौथा वर्धापन दिन शनिवार दि. १४ मार्च २०२६ रोजी भक्तिमय वातावरणात साजरा करण्यात येत आहे. या निमित्ताने दिवसभर विविध धार्मिक कार्यक्रमांचे आयोजन करण्यात आले असून भाविकांना मोठ्या संख्येने उपस्थित राहण्याचे आवाहन आयोजकांनी केले आहे.
वर्धापन दिनानिमित्त पहाटे सकाळी ६ वाजता मंदिर खुले होणार असून ७ वाजता काकड आरती होईल. त्यानंतर सकाळी ८ वाजता श्री दत्तात्रेय हवन पूजन करण्यात येणार आहे. दुपारी १२.३० वाजता साईबाबांची मध्याह्न आरती होणार असून दुपारी १ वाजता महाप्रसादाला सुरुवात होणार आहे.
सायंकाळी ५ वाजता धूप आरती तर सायंकाळी ६ वाजता पुणे येथील साई मित्र टीम यांच्या वतीने साई भजन संध्या आयोजित करण्यात आली आहे. रात्री १० वाजता साईबाबांची शेज आरती झाल्यानंतर १०.३० वाजता मंदिर बंद करण्यात येईल.
“सबका मालिक एक” तसेच “श्रद्धा आणि सबुरी” या साईबाबांच्या संदेशाने प्रेरित होत हा वर्धापन दिन साजरा केला जात असून सर्व साईभक्तांनी कुटुंबासह उपस्थित राहून कार्यक्रमाचा लाभ घ्यावा, असे आवाहन श्री साई विसावा मंदिर, साई विसावा टीम, श्री साईबाबा भक्त परिवार व सारंगधर परिवार यांच्या वतीने करण्यात आले आहे.
