शिर्डी ( प्रतिनिधी)गेल्या १९ वर्षापासून साईभक्तांना अडचण येऊ नये .यासाठी शिर्डी नगर परिषदेने शिर्डी येथील महत्वाचा रहदारीचा पिंपळवाडी रस्ता हा श्री साईबाबा संस्थानला सहकार्य करत वापरास दिला होता.माञ आता साईभक्तांसाठी दर्शन रांग सुरु झाल्याने हा रस्ता आता खुला करावा. अशी मागणी ग्रामस्थांकडुन केली जात होती.आणि त्याच अनुशंगाने आता हा रस्ता खुला करण्याची प्रक्रिया सुरु झाली असुन साई संस्थान ,न.पा.मुख्याधिकारी सतीश दिघे यांच्या आदेशाने हा रस्ता खुला करण्याचे काम होत आहे.यामुळे आता पिंपळवाडी रस्त्यावरील ग्रामस्थ व्यावसायिकांना मोठा दिलासा मिळणार असल्याचे शिर्डी नगरपंचायतचे माजी उपनगराध्यक्ष सुजित गोंदकर , नगराध्यक्ष शिवाजी गोंदकर यांनी सांगितले.
हा रस्ता खुला करण्याचे काम सुरु झाल्याने , माजी उपनगराध्यक्ष ज्ञानेश्वर गोंदकर , सचिन शिंदे , माजी नगरसेवक अशोक गोंदकर , बाबासाहेब कोते , प्रतीक शेळके , हरीश थोरात , जैन फुटरमल , प्रवीण गोंदकर आदींनी पिंपळवाडी रस्ता खुला करताना पाहणी केली.व समाधान व्यक्त केले. हा रस्ता साई संस्थांनला देण्यात आला होता. तेथे पूर्वी दर्शन रांग होती. त्यामुळे येथील वाहतूक रहदारी बंद होती. त्याचा फटका येथील व्यवसायिकांना बसला होता. मात्र आता हा रस्ता खुला होत असल्यामुळे या परिसरातील व्यवसायिकांनाही त्याचा फायदा होणार आहे. साई भक्तांनाही येथे जाण्यासाठी येण्यासाठी त्याचा चांगलाच उपयोग होईल. असे आता नागरिकांतून बोलले जात आहे. व साईसंस्थान आणि नगरपरिषदेला धन्यवाद देण्यात येत आहेत.
