राहाता पोलीस स्टेशनं हद्दीत असणाऱ्या साकुरी शिवारातील नगर मनमाड हायवे लगत असणाऱ्या एका शोरूम शेजारील हॉटेल साई उत्सव मध्ये वेश्या व्यवसाय सुरु असल्याची गोपनीय माहिती पोलीस उप विभागीय अधिकारी शिरीष वमने यांना मिळताच घटनास्थळी ते व राहता पोलीस स्टेशनंचे पोलीस निरीक्षक व पोलीसांचा स्टाफ तेथे पोहचला
असता त्या ठीकाणी खरोखरच या हॉटेल मालकांने आपल्या फायद्यासाठी त्याच्या हॉटेल मध्ये वेश्या व्यवसाय करून घेत असल्याची खात्री झाल्याने व हॉटेल मध्ये काही वेश्या आणि गिऱ्हाईक आढळून आल्याने पोलीसांनी घटनास्थळाचा पंचनामा करून या हॉटेलवर कारवाई केली आहे. ह्या हॉटेल उत्सव मधील चालत असलेल्या वेश्या व्यवसायावर रेड पडल्याने मोठी खळबळ उडाली आहे.
प्रतिष्ठित व रस्त्यालगत असणाऱ्या या मोठ्या हॉटेलमध्ये असा वेश्याव्यवसाय चालत असल्यामुळे व तो उघड झाल्यामुळे शिर्डी, राहता येथे नागरिकांमध्ये यासंदर्भात मोठी चर्चा सुरू आहे. दरम्यान हे हॉटेल शिर्डी पासून जवळ आहे. तसेच शिर्डीतही अनेक ठिकाणी असा वेश्याव्यवसाय सुरू असल्याचे खाजगीत बोलले जात आहे.
अनेक महिला स्कार्फ ने तोंड बांधून रात्री रस्त्याच्या कडेला चौकाचौकात शिर्डीत उभे असतात. अश्लील हातवारे करत असतात. वेश्या व्यवसायासाठी त्या बाहेरून आलेल्या असतात अशी येथे कुजबुज ऐकायला येते. पोलिसांनी अशा सुरू असलेल्या वेश्या व्यवसायावरही गुप्तपणे नजर ठेवून कारवाई करावी अशी मागणी आता होत आहे.
