छावा क्रांतिवीर सेना ,महाराष्ट्र राज्याची 12 डिसेंबर 2023 ला साई पालखी निवारा येथे आढावा बैठक!
शिर्डी (प्रतिनिधी)
छावा क्रांतिवीर सेना,महाराष्ट्र राज्याची आढावा बैठक बारा डिसेंबर 2023 रोजी शिर्डी जवळील साई पालखी निवारा येथे सकाळी 11 वाजता छावा क्रांतिवीर सेनेचे महाराष्ट्र राज्याचे संस्थापक अध्यक्ष करणभाऊ गायकर यांच्या अध्यक्षतेखाली आयोजित करण्यात आली आहे.
अशी माहिती छावा क्रांतिवीर सेनेचे अहमदनगर जिल्हाध्यक्ष अविनाश शिंदे यांनी दिली आहे.
छावा क्रांतिवीर सेना ही महाराष्ट्र राज्यामध्ये प्रत्येक जिल्ह्यात धडाडीने काम करत असून या छावा क्रांतिवीर सेनेची आढावा बैठक महाराष्ट्र राज्याचे अध्यक्ष करणभाऊ गायकर यांच्या अध्यक्षतेखाली होणार असून यावेळी महाराष्ट्र राज्याचे प्रदेश महासचिव शिवाजीराजे मोरे, तसेच उत्तर महाराष्ट्र संपर्कप्रमुख संजयजी चौधरी, हे प्रमुख मान्यवर म्हणून उपस्थित राहणार आहेत.व त्यांचे यावेळी मार्गदर्शन होणार आहे.
या बैठकीत छावा क्रांतिवीर सेनेच्या कार्याचा आढावा घेण्यात येणार असून छावा क्रांतिवीर सेनेच्या पदाधिकारी व सेना मावळ्यांना आपली सेना अधिकाधिक बळकट करण्यासाठी व सेनेचे मार्गदर्शक तत्वे व विचार , उपस्थित प्रमुख मान्यवर आपल्या मार्गदर्शनात करणार आहेत.
तरी या आढावा बैठकीला छावा क्रांतीवीर सेनेच्या मावळ्यांनी मोठ्या संख्येने उपस्थित राहावे. असे आवाहन छावा क्रांतिवीर सेनेचे जिल्हाध्यक्ष अविनाश शिंदे यांनी केले आहे.
