लाच मागितल्याचा आरोप आहे, ती फाईल आधीच मंजूर करण्यात आलेली आहे. याशिवाय ज्या व्हाइस रेकॉर्डिंगच्या आधारे गुन्हा दाखल करण्यात आला आहे, त्यामध्ये आयुक्त बोलून घ्या, असे म्हणालेले ऐकू येते. बोलून घ्या म्हटले याचा अर्थ लाच मागितली असा होऊ शकत नाही, असाही युक्तिवाद अॅड. गुगळे यांनी केला. सरकारचे म्हणने येऊपर्यंत अंतरिम अटकपूर्व जामीन मंजूर करावा, अशी मागणीही अॅड. गुगळे यांनी केली. यावर न्यायालयाने निर्णय राखून ठेवला असून आज सायंकाळी तो दिला जाणार असल्याचे सांगण्यात आले. ८ लाख रुपयांची लाच मागितल्याप्रकरणी नगर महापालिकेचे आयुक्त डॉ. पंकज जावळे आणि त्यांचे स्वीय सहायक श्रीधर देशपांडे यांच्याविरूद्ध गुन्हा दाखल करण्यात आला आहे. या गुन्ह्यात अटकपूर्व जामीन मिळावा, यासाठी आयुक्त डॉ. जावळे यांच्यावतीने न्यायालयात अर्ज करण्यात आला आहे. त्यावर आज सकाळी सुनावणी झाली. यावेळी आयुक्तांचे वकील अॅड. सतीश गुगळे यांनी जोरदार युक्तिवाद केला.
