शिर्डी (प्रतिनिधी) शिर्डी मध्ये हॉटेल ,लॉज मध्ये वेश्याव्यवसाय सर्रास सुरू असून नुकतेच शिर्डी मधील दोन हॉटेल ,लॉज मध्ये पोलिसांनी अचानक धाडी टाकून वेश्याव्यवसाय करणाऱ्या व करून घेणाऱ्यांना ताब्यात घेतले आहे. त्यामुळे शिर्डीत मोठी खळबळ उडाली आहे. या संदर्भात सूत्रांकडून मिळालेली अधिक माहिती अशी की,
शिर्डी येथील कानिफनाथ चौक व पालखी रोडवरील सावता मंदिरासमोरील भरगच्च वरदळीच्या रस्त्यावर असणाऱ्या हॉटेल सावता आणि कानिफनाथ मंदिराच्या मागील गल्लीत असणाऱ्या हॉटेल बारकाबाई या हॉटेलवर शिर्डी विभागीय पोलीस अधिकारी व शिर्डीचे पोलीस निरीक्षक यांनी अचानक छापा टाकून देहविक्री करणाऱ्या हॉटेल चालकासह महिलांना घेतले आहे
.शिर्डी शहरातील साईबाबांची पालखी ज्या रस्त्याने निघते .त्या पालखी रोडवर अनेक ठिकाणी वेश्याव्यवसाय राजरोसपणे अनेक वर्षांपासून सुरु आहेत अनेकदा पोलिसांनी रेड टाकून आजपर्यंत अनेक हॉटेल चालकांसह हॉटेल मालकांवर गुन्हे दाखल केले आहेत. तरीही त्याठिकाणी वेश्याव्यवसाय सुरु असल्याची माहिती
शिर्डी पोलीस उपविभागीय अधिकारी शिरीष वमने व शिर्डी पोलीस स्टेशनचे पोलीस निरीक्षक रणजित गलांडे यांना गोपनीय माहिती मिळाल्यानंतर त्याठिकाणी बनावट गिर्हाईक पाठवून वेश्याव्यसाय करणाऱ्या व करून घेणाऱ्यांना ताब्यात घेतले आहे. विशेष बाब म्हणजे पालखी रोडवर सावता मंदिर आहे
आणि सावता मंदिरा समोरच हॉटेल सावता मध्ये वेश्या व्यवसाय सुरू असल्याने परिसरात मोठी चर्चा सुरु होती आणि कानिफनाथ मंदिराच्या मागे हॉटेल बारकाबाई मध्ये सुद्धा वेश्या व्यवसाय करतांना महिलांसह चालकाला ताब्यात घेतले आहे. हॉटेल सावता हि मंगेश शिंदे यांची
तर हॉटेल बारकाबाई हि संतोष कोते यांची असल्याची प्राथमिक माहिती आहे. यांच्यावर पोलीस काय कारवाई करतात. हे बघण्याची उत्सुकता नागरिकांमध्ये आहे. मात्र सध्या शिर्डीत त्यामुळे खळबळ उडाली आहे.
एक-दोन दिवसापूर्वीच शिर्डीत संगमनेर येथील तरुणींना शिर्डीत घेऊन बलात्कार केल्याची घटना घडली आहे .पोलीस स्टेशनला त्या संदर्भात गुन्हा दाखल करण्यात आला आहे . आज या घटना उघडकीस आल्यामुळे शिर्डीत मोठी चर्चा सुरू आहे.
