शिर्डी | प्रतिनिधी
शिर्डीतील परिचित व्यक्तिमत्त्व डॉ. एकनाथ काका गोंदकर यांचे सुपुत्र सचिन एकनाथ गोंदकर यांचे आज सकाळी तीव्र हृदयविकाराच्या झटक्याने दुःखद निधन झाले. त्यांच्या अकाली निधनाच्या वृत्ताने गोंदकर परिवारासह नातेवाईक, मित्रपरिवार आणि शिर्डी शहरावर शोककळा पसरली आहे.
सचिन यांच्या जाण्याने त्यांच्या कुटुंबीयांवर दुःखाचा डोंगर कोसळला असून, त्यांच्या पश्चात एक मुलगा आहे. अल्पवयातच वडिलांचे छत्र हरपल्याने या चिमुकल्यावर आलेले दुःख मन हेलावून टाकणारे आहे.
सचिन यांच्या निधनाने कुटुंबाचा आधारच हरपला असून, त्यांच्या आठवणी आता कुटुंबीय आणि आप्तेष्टांच्या मनात कायमच्या जिवंत राहतील. अत्यंत दुःखद आणि धक्कादायक अशा या निधनाने शिर्डीकरांमधूनही हळहळ व्यक्त होत आहे.
सचिन गोंदकर यांच्यावर आज सायंकाळी ६ वाजता शिर्डी अमरधाम येथे अंत्यसंस्कार करण्यात येणार आहेत.
दैनिक साई दर्शन परिवारातर्फे सचिन गोंदकर यांना भावपूर्ण श्रद्धांजली!
ईश्वर त्यांच्या आत्म्यास चिरशांती देवो आणि गोंदकर परिवाराला हे अपरिमित दुःख सहन करण्याची शक्ती देवो.
शोकाकुल :
डॉ. एकनाथ काका गोंदकर व गोंदकर परिवार, शिर्डी
ॐ शांती! 🙏💐
