शिर्डी (प्रतिनिधी) शिर्डी येथील
साई समाधी मंदिरात परवानगी नसताना व्हिडिओ शूटिंग करून सोशल मीडियावर इंस्टाग्राम या माध्यमातून सगळीकडे व्हायरल होत आहे.या व्हिडिओची साई संस्थांनने सखोल चौकशी व्हावी. व यात कोणी दोषी आढळला तर त्यावर कडक कारवाई करावी. अशी मागणी शिर्डीतील ग्रामस्थांनी केली आहे.
राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजित दादा पवार तसेच पालकमंत्री राधाकृष्ण विखे पाटील व साईबाबा संस्थानचे मुख्य कार्यकारी अधिकारी, जिल्हाधिकारी आदींना पाठवलेल्या निवेदनात म्हटले की,
सध्या सोशल मीडियावर इंस्टाग्राम या माध्यमातून साई नाईन कॉइन हे अकाउंट असून यावर 15 जानेवारी 2025 पासून साई मंदिर गाभारा व मंदिर परिसरात शूट केलेला एक व्हिडिओ सगळीकडे व्हायरल होत आहे. शिर्डीच्या साई समाधीमंदिर परिसरामध्ये फोटोग्राफी व व्हिडिओग्राफी ची परमिशन नसताना हा व्हिडिओ कसा काढला गेला.
व तो व्हायरल होत आहे. आपण या व्हिडिओतील व्यक्तीला सदर व्हिडिओ ग्राफी करण्याची परमिशन का दिली का?याची आम्हाला माहिती हवी आहे, कारण या व्हिडिओग्राफीच्या माध्यमातून साईमंदिर सुरक्षेविषयी प्रश्न उपस्थित होत आहे. तरी आपणा या व्हिडिओतील व्यक्तीवर कडक कारवाई करावी .अशी आम्ही समस्त शिर्डी ग्रामस्थांच्या वतीने आपणाकडे या निवेदनाद्वारे मागणी करीत आहोत.
तरी आपण याकडे विशेष लक्ष घालून या संदर्भात अधिक चौकशी करावी व दोष आढळल्यास संबंधितांवर कडक कारवाई करावी . अशी मागणी करण्यात आली आहे.संस्थांनाला व प्रसिद्धीला दिलेल्या पत्रकावर शिर्डीतील युवानेते विकास गोंदकर अविनाश गोंदकर चेतन कोते प्रकाश गोंदकर महेश गोंदकर अमोल कोते आदींच्या सह्या आहेत
