🚨 ब्रेकिंग न्यूज | शिर्डीत पेरू विक्रेत्यांचा अचानक रास्तारोको-वाहतुक ठप्प 🚨

शिर्डी : शहरात आज सायंकाळी अचानक घडलेल्या प्रकारामुळे एकच खळबळ उडाली. पेरू विक्रेत्यांनी नगर परिषद परिसरात एकत्र येत अचानक रास्तारोको आंदोलन सुरू केल्याने काही काळ वाहतूक पूर्णपणे ठप्प झाली
मिळालेल्या माहितीनुसार, दोन दिवसांपूर्वी शिर्डीत कामाच्या शोधात आलेल्या एका व्यक्तीवर काही पेरू विक्रेत्यांनी कथित हल्ला केला होता. या प्रकरणी संबंधित व्यक्तीने शिर्डी पोलीस स्टेशनमध्ये गुन्हा दाखल केला होता. या घटनेची गंभीर दखल घेत प्रशासनाने तत्काळ अ‍ॅक्शन मोडमध्ये येत काही पेरू विक्रेत्यांच्या सायकली जप्त केल्या होत्या.
याच कारवाईच्या निषेधार्थ आज सायंकाळी संतप्त पेरू विक्रेते नगर परिषदेजवळ मोठ्या संख्येने जमले आणि अचानक रास्तारोको आंदोलन सुरू केले. अचानक झालेल्या या आंदोलनामुळे रस्त्यावर वाहनांच्या लांबच लांब रांगा लागल्या आणि वाहतुकीचा पूर्णपणे खोळंबा झाला.
घटनेची माहिती मिळताच पोलिसांनी तातडीने घटनास्थळी धाव घेतली. पोलिसांनी आंदोलनकर्त्यांना समजावून सांगत परिस्थिती नियंत्रणात आणण्याचा प्रयत्न केला. काही वेळातच रास्तारोको थांबवण्यात आला आणि अडकलेली वाहतूक हळूहळू सुरळीत करण्यात आली.
दरम्यान, या घटनेमुळे शिर्डीत काही काळ तणावपूर्ण वातावरण निर्माण झाले होते. प्रशासन आणि पोलिसांकडून परिस्थितीवर बारकाईने लक्ष ठेवण्यात येत असून, पुढील अनुचित प्रकार टाळण्यासाठी कडक उपाययोजना केल्या जाण्याची शक्यता व्यक्त केली जात आहे.
👉 या प्रकरणात पुढे काय कारवाई होते आणि प्रशासन कोणता निर्णय घेते, याकडे संपूर्ण शिर्डीकरांचे लक्ष लागले आहे.

sai nirman

जाहिरात

शिर्डी : शहरात नुकत्याच घडलेल्या रास्तारोको आणि आंदोलनाच्या पार्श्वभूमीवर शिर्डी पोलिसांनी कडक भूमिका घेतली आहे. बेकायदेशीररीत्या जमाव जमवून साईभक्तांना वेठीस धरणाऱ्या व्यक्तींवर कठोर कारवाई करण्यात येणार असल्याचा इशारा पोलीस निरीक्षक रणजित गलांडे यांनी दिला आहे.
पोलीस निरीक्षक रणजित गलांडे यांनी स्पष्ट शब्दांत सांगितले की, शिर्डी हे जागतिक स्तरावरील श्रद्धास्थान असून येथे दररोज हजारो साईभक्त दर्शनासाठी येत असतात. अशा परिस्थितीत कोणत्याही प्रकारचा बेकायदेशीर जमाव, रास्तारोको किंवा कायदा हातात घेण्याचा प्रयत्न अजिबात सहन केला जाणार नाही.
“साईभक्तांना अडवणे, वाहतूक खोळंबा करणे किंवा सार्वजनिक शांतता भंग करणे हा गंभीर गुन्हा आहे. अशा प्रकारात सहभागी असणाऱ्यांवर कठोर कायदेशीर कारवाई करण्यात येईल,” असा इशाराही त्यांनी दिला.
दरम्यान, शहरातील कायदा व सुव्यवस्था अबाधित राखण्यासाठी पोलिसांकडून अतिरिक्त बंदोबस्त ठेवण्यात आला असून संवेदनशील ठिकाणी विशेष लक्ष दिले जात आहे. तसेच, नागरिकांनी अफवांवर विश्वास न ठेवता सहकार्य करावे, असे आवाहनही पोलिसांकडून करण्यात आले आहे.
👉 शिर्डीत शांतता व सुव्यवस्था कायम ठेवण्यासाठी प्रशासन सज्ज असून, कोणत्याही अनुचित प्रकाराला कडक उत्तर दिले जाणार असल्याचे स्पष्ट संकेत मिळत आहेत.